’Ā’amu nō roto mai i te mau pāpa’ira’a mo’a
’Ua topa Iesu Mesia i te i’oa o tāna ’Ēkālesia
’Ua parau mai te Fatu ia Iosepha Semita nāhea ’ia pi’i i te ’Ēkālesia. ’Ua parau mai ’oia ē, e pi’ihia « Te ’Ēkālesia a Iesu Mesia i te Feiā Mo’a i te mau Mahana Hope’a nei. »
Te mau ta’o Iesu Mesia ’o te tuha’a faufa’a roa a’e o te i’oa o te ’Ēkālesia. Nō te mea ho’i ē e ’Ēkālesia teie nā Iesu Mesia, ’ua topahia ïa i tōna ra i’oa.
Te Feiā Mo’a i te mau Mahana Hope’a nei o te mau melo ïa o te ’Ēkālesia i teie mahana.
’Ua ha’api’i te mau peropheta ’e te mau ’āpōsetolo ē, e mea faufa’a te fa’a’ohipara’a i te i’oa ti’a o te ’Ēkālesia. E tauturu te reira i te tahi atu ta’ata ’ia ’ite ē tē ti’aturi nei tātou ia Iesu Mesia.
’Ia ui mai vetahi iā’u e aha tā’u e ti’aturi nei, e nehenehe tā’u e parau, « tē ti’aturi nei au ia Iesu Mesia. E melo vau nō te ’Ēkālesia a Iesu Mesia i te Feiā Mo’a i te mau Mahana Hope’a nei. »
Faʼahōho’araʼa nā Apryl Stott