Higala ngadto sa Higala
Usa ka Balaan nga Dapit
Gikan sa usa ka interbiyo uban ni Chad Strang.
Ang akong opisina duol sa Templo sa Salt Lake. Samtang nagtan-aw ko sa bintana, akong makita ang mga pulong diha sa templo nga nag-ingon, “Pagkabalaan ngadto sa Ginoo: Sa Balay sa Ginoo.”
Kadto nga mga pulong anaa sa matag templo. “Pagkabalaan ngadto sa Ginoo” nagpahinumdom kanato nga kita kinahanglan nga mahimong takos nga mosulod.
Ang mahimong takos nagpasabot sa pagpaningkamot sa pagbuhat unsay gusto sa Ginoo nga atong buhaton. Bisan sa inyong linghod nga edad, kamo makapangandam sa pagsulod sa templo sa umaabot.
Makaandam kamo sa yano nga mga paagi. Makakat-on kamo mahitungod sa Langitnong Amahan ug ni Jesukristo. Mahimo kamong mag-ampo. Mahimo kamong moambit sa sakramento. Mahimo kamong mosunod sa mga kasugoan. Mahimo kamong mangita og mga ngalan sa katigulangan kinsa wala pa gayod gibunyagan aron adunay tawo nga mabunyagan alang kanila diha sa templo. Mahimo ninyong buhaton ang inyong labing maayo nga magmabination, mohigugma niadtong nagpalibot kaninyo, mopasaylo, ug moserbisyo.
Samtang kamo mobuhat niini, ang inyong kasingkasing mahimong andam sa pagsulod sa balay sa Ginoo, usa ka dapit sa pagkabalaan.