Ipakita ug Isulti
Kon maghunahuna ako mahitungod sa templo, ako adunay nindot nga pagbati. Mahinamon ako nga mag-edad og 11 ug magserbisyo sa templo sa Langitnong Amahan.
Rafael D., edad 10, Paraná, Brazil
Ang akong family tree nindot tan-awon tungod kay kini adunay mga ngalan ug mga litrato sa akong mga apohan ug mga ig-agaw niini. Naka-index ako og 1,156 ka ngalan! Nagtuo ako nga ang pag-index usa ka paagi sa paghiusa sa mga pamilya.
Grace D., edad 11, Greater Accra Region, Ghana
Usa ka bag-ong bata nga lalaki ang mibalhin sa among klase sa eskwelahan sa tunga-tunga sa tuig. Miboluntaryo ako sa pagtabang kaniya nga mobati nga giabiabi. Siya mao ang usa sa akong bag-o nga mga higala!
Connor E., edad 7, Mazovia, Poland
Natawo ako sa Guatemala, ug alang sa Día de Muertos, o Adlaw sa mga Patay, ang mga tawo didto maghimo og mga tabanog aron sa pagpahinumdom kanila sa ilang mga sakop sa pamilya nga nangamatay. Naghimo ako og tabanog nga adunay mga litrato sa akong mga katigulangan ug usa ka litrato sa akong kaugalingon diha sa tunga aron sa pagpahinumdom kanako sa ilang gugma.
Sienna S., edad 8, Utah, USA
Mitabang ako sa paghatod og kahoy ngadto sa usa ka pamilya aron sila adunay kainit diha sa ilang panimalay.
Sebastian B., edad 10, Virginia, USA
Mitabang kami didto sa usa ka tipiganan og pagkaon pinaagi sa pagsulod og pagkaon sa mga kahon. Kini mipahinumdom kanamo nga magmapasalamaton sa unsay anaa kanamo. Mibati kami nga malipayon nga nakaserbisyo kami uban sa among ward.
Emma K. ug Charlotte F., edad 9 ug 11, New Jersey, USA
Sa dihang si Presidente Nelson mihangyo kanato sa pagbasa sa Basahon ni Mormon, midesisyon ako sa pagbasa niini uban sa akong mga ginikanan. Nabati nako ang Espiritu Santo nga misulti kanako nga tinuod ang Basahon ni Mormon. Nagbasa ako kada adlaw sa akong mga kasulatan ug nakabaton og mas lig-on nga pagpamatuod.
Savannah R., edad 10, Texas, USA
“Si Kristo Nahigugma Kanato,” Andrea V., edad 8, Retalhuleu, Guatemala
Emma C., edad 7, Santiago, Chile
“Pagpasalamat,” Lincoln H., edad 10, Idaho, USA
“Si Jonas ug ang Balyena,” Ben M., edad 10, Missouri, USA
Bobby H., edad 8, Alberta, Canada