Mga Istorya sa Kasulatan
Si Jesukristo Mihatag og Ngalan sa Iyang Simbahan
Si Jesukristo misulti kang Joseph Smith kon unsa ang ihatag nga ngalan sa Simbahan. Siya miingon nga kini pagatawagon og “Ang Simbahan ni Jesukristo sa mga Santos sa Ulahing mga Adlaw.”
Ang pulong nga Jesukristo mao ang labing importante nga bahin sa ngalan sa Simbahan. Tungod kay kini mao ang Simbahan ni Jesukristo, kini gipangalan Kaniya.
Ang mga Santos sa Ulahing mga Adlaw nagpasabot sa mga miyembro sa Simbahan karon.
Ang mga propeta ug apostoles mitudlo nga ang paggamit sa husto nga ngalan sa Simbahan importante. Makatabang kini sa uban nga mahibalo nga kita nagtuo kang Jesukristo.
Kon ang uban mangutana kanako kon unsay akong gituohan, makaingon ako, “Nagtuo ako kang Jesukristo. Sakop ako sa Ang Simbahan ni Jesukristo sa mga Santos sa Ulahing mga Adlaw.”
Mga paghulagway pinaagi ni Apryl Stott