Makalingaw nga Panahon sa Kasulatan alang sa Gagmay nga mga Bata

Kini nga mga ideya gipahiuyon sa Dali, Sunod Kanako—alang sa mga Indibidwal ug mga Pamilya matag semana.

Alang sa Doktrina ug mga Pakigsaad 111–114: Magpuli-puli sa paggiya sa inyong pamilya sa usa ka linya samtang ang tanan naggunitay sa kamot. Tabangi ang inyong gagmay nga mga bata nga moingon, “Si Jesukristo naggiya kanako.”

Alang sa Doktrina ug mga Pakigsaad 115–120: Tabangi ang inyong gagmayng mga bata sa pagsulti, “Ako nahisakop sa Simbahan ni Jesukristo.” Kantaha o paminawa ang kanta nga “Ang Simbahan ni Jesukristo” (Children‘s Songbook, 48) ug basaha ang istorya sa kasulatan diha sa pahina 42.

Alang sa Doktrina ug mga Pakigsaad 121–123: Hisgoti kon unsay nakapahimo sa inyong gagmayng mga bata nga mobati nga mas maayo kon naguol sila, sama sa pag-awit og kanta sa Primary o molitok og usa ka pag-ampo. Tabangi ang inyong gagmay nga mga bata nga moingon, “Ako mobati og kalinaw.”

Alang sa Doktrina ug mga Pakigsaad 124: Ipakita ang litrato sa usa ka templo nga duol kaninyo ug hisgoti kon nganong espesyal ang templo. Tabangi ang inyong gagmay nga mga bata nga moingon, “Ganahan ko sa templo.”