Pagtabang Sama ni Jesus

Si Jesus Nagtudlo sa Uban

Sa dihang bata pa si Jesus, Siya “mitubo diha sa kaalam” (Lucas 2:52). Kana nagpasabot nga Siya nakat-on og daghang butang.

Sa dihang si Jesus 12 anyos, ang Iyang pamilya miadto sa Jerusalem. Sa ilang pagbalik, si Maria ug Jose nakaamgo nga si Jesus wala diha kanila. Mibalik sila sa Jerusalem sa pagpangita Kaniya. Nakita Nila si Jesus nagtudlo diha sa templo. Ang mga tawo naminaw ngadto Kaniya ug nangutana Kaniya. Nahingangha sila sa unsay Iyang nahibaloan. Si Jesus migahin sa Iyang kinabuhi sa pagtudlo sa uban.

Makabasa kamo sa tibuok istorya diha sa Lucas 2:40–52.

Nagtabang ko sa akong manghod nga babaye nga mobuhat sa iyang homework alang sa preschool. Nagtudlo ko niya sa pagdrowing ug pagsulat sa iyang ngalan. Kon ang akong pamilya magtuon sa Dali, Sunod Kanako sa gabii, motabang ko sa akong igsoong babaye sa mga kasulatan. Akong ipakita kaniya ang mga litrato ug ipasabot kini ngadto kaniya.

Jazmin C., edad 9, Central Department, Paraguay

Makatudlo Ako sa Uban

• Unsa ang usa ka butang nga imong ikatudlo sa uban?

• Pag-ampo ug paghimo og plano sa pagtabang.

• Buhata ang imong plano!

• Guntinga kini nga kard aron sa pagpahinumdom kanimo sa pagpadayon og tabang sama ni Jesus.

Kumusta ang imong pagpaningkamot sa pagtabang sa uban, sama sa gibuhat ni Jesus? Pagsulat ug sultihi kami.

Paghulagway pinaagi ni Brian Call