’Ohipa ’ārearea

Fa’atū’ati i te ’ā’amu ’utuāfare

Nō Rusia ’o Eva. E mea au nāna e rave i te mau ’ohipa ri’i nō te ’ā’amu ’utuāfare ! E hāmani ’oia i te mau video nō te fa’a’ite i tōna mau mana’o ia vetahi ’ē. Teie te hō’ē ’o tā ’oe e nehenehe e tāmata.

1. Pāpa’i ’aore rā nene’i e piti hōho’a nō te melo tāta’itahi o te ’utuāfare—hō’ē i tō rātou ’āpīra’a ’e hō’ē i tō rātou pa’arira’a.

2. Tāpiri i te mau hōho’a i ni’a i te ’api parau pa’ari. Fa’anehenehe i te murira’a o te ’api parau pa’ari. (’Ua fa’anehenehe Eva tāna i te pēni pape !) I muri iho, e tāpūpū i te mau hōho’a nō te hāmani i te mau tāreta.

3. Teienei e ha’uti fa’atū’ati i te mau tāreta ! ’A tu’u i te mau tāreta ma te huri i te hōho’a i raro. ’A huti e piti tāreta. Mai te mea e fa’a’ite mai rāua i te mau ta’ata ta’a ’ē, e huri fa’ahou i te mau tāreta. Mai te mea e fa’a’ite mai rāua i te mau ta’ata e tū’ati i te hōho’a, e tāpe’a mai i te mau tāreta ’e e tāpiti fa’ahou i te ha’uti. E hia rahira’a tāreta tā ’oe i roa’a ?

’Ohipa ri’i tāhinu !

’Ua hāmani ato’a Eva i te hō’ē buka hōho’a nō ni’a i tōna mau tupuna. E nehenehe ’oe e hāmani hō’ē nā ’oe iho ! Pāpa’i i te mau mea tā ’oe i ’ite nō ni’a i te ta’ata tāta’itahi. I muri iho e pāpa’i hōho’a ’aore rā ’e tāpiri atu i te mau hōho’a nō te fa’atū’ati.