E a’ora’a nō te ’āmuira’a nā te peropheta
Tō tātou niu pa’ari
Tīpe’ehia mai roto mai i te a’ora’a « Te hiero ’e tō ’outou niu pae vārua », Liahona, Novema 2021.
’Ua patuhia te hiero nō Roto Miti hau atu i te 100 matahiti i teienei. ’Ua patu te mau pionie i te reira i te mau mauiha’a nō taua tau ra. Mea fa’ahiahia mau. Mai te mea rā e hi’o fātata tātou i te niu, e nehenehe tātou e ’ite ē ’ua ’ino haere te tahi mau ’ōfa’i i te roara’a o te tau. E nehenehe ato’a tātou e hi’o i te mau ārea i rotopū i te mau ’ōfa’i ’e te tahi ato’a mau ’ōfa’i pāpū ’ore.
I teienei, tē ha’a nei te feiā ’ī’ite, te mau tahu’a nino’a fare ’e te mau rave ’ohipa i te pae nō te patura’a nō te ha’apa’ari atu ā i te niu o te hiero. ’Ia oti ana’e te reira, e nava’i te pa’ari o te hiero nō te pāto’i i te mau ’āueuera’a fenua ’e te mau mata’i pūai. E nava’i tōna pa’ari nō te roara’a e rave rahi roa ’ino matahiti.
E mea ti’a ia tātou ’ia patu i te niu o tō tātou oraraa i ni’a i te papa o tō tātou Tāra’ehara, ’o Iesu Mesia. E ’ia tupu ana’e mai te mau ’āueuera’a pae vārua, ’ua ineine ïa tātou nō te ti’a pāpū mai.
Te mau mea ato’a tā tātou e ha’api’i mai i roto i te hiero, e tauturu mai ïa ’ia māramarama rahi atu ā nō ni’a ia Iesu Mesia. ’Ia patu-pa’ari-ana’e-hia tō ’outou niu pae vārua i ni’a ia Iesu Mesia, ’aita e ti’a ’ia māta’u. E ha’apūaihia ’outou e tōna mana.
’O Iesu Mesia tō’u niu pāpū
Pae ’aui : Fa’ahōho’ara’a nō te hiero nā Bailey Rees ; Hōho’a nō te peresideni Nelson hō-mai-hia e te Church News ; Pae ’atau : Fa’ahōho’ara’a nā Bryan Beach