Tauturu mai tā Iesu i nā reira

’Ua fa’atura Iesu i tōna nā metua

Te aura’a nō te parau fa’atura i tō metua, ’o te herera’a ïa, te fa’aturara’a ’e te aurarora’a ia rāua. ’Ua fa’atura Iesu i tōna nā metua, ’o Maria ’e ’o Iosepha, i te fenua nei. ’Ua fa’atura ato’a ’oia i tōna Metua i te ao ra nā roto i te ha’apa’ora’a i te mau fa’auera’a.

’A pa’ari ai ’oia, ’ua fa’aro’o Iesu i tōna nā metua tāhuti nei. ’Ua here ’e ’ua aupuru ’oia ia rāua. ’E tae noa atu i te taime ’ua fātata ’oia i te pohe i ni’a i te sātauro, ’ua ani ’oia i te hō’ē o tāna mau pipi ’ia aupuru atu i tōna metua vahine.

E nehenehe ’outou e tai’o i teie ’ā’amu i roto i te Luka 2:51–52.

E tauturu vau ’ia vai mā noa tō’u piha. E tauturu ato’a vau ia Māmā nō te fa’aineine i te ’aira’a mā’a i te po’ipo’i, i te avatea, ’e i te pō. E tauturu vau i te ’atu’atu i te mau ’ānimara, e ’ohi au i tā’u mau ha’uti, ’e e ha’apa’o vau i tō’u teina.

Sebastian V., 7 matahiti, Central Department, Paratue

E nehenehe au e fa’atura i tō’u nā metua

• Nāhea ’outou e tauturu ai i tō ’outou metua ’aore rā, te ta’ata tīa’i ?

• ’A pure ’e ’a fa’anaho i te hō’ē ’ōpuara’a nō te tauturu i te ta’ata.

• ’A rave i tā ’oe fa’anahora’a !

• ’A tāpūpū i teie tāreta nō te fa’aha’amana’o ia ’oe ’ia tāmau noa i te tauturu mai tā Iesu i nā reira.

Tē nāhea ra ’oe i te tāmatara’a i te tauturu ia vetahi ’ē, mai tā Iesu i rave ? ’A pāpa’i ’e ’a fa’ati’a mai ia mātou.

Fa’ahōho’ara’a nā Andrew Bosley