Pāpa’ihia e ’outou
Tē tīa’i mai ra rātou iā’u !
E’ita tā’u e nehenehe e tīa’i ’ia bāpetizohia vau nō tō’u mau tupuna !
’Ia ora na ! ’O Giselle Olivia tō’u i’oa. ’Ua fānauhia vau i ’Īnītia. ’Ua here au ia Iesu Mesia. E 2,3 ana’e i ni’a i te hānere o te mau ta’ata ’Īnītia e mau keresetiano. ’Oia mau, e mea fifi i te tahi taime. ’Ua ’ite rā vau ē, tē tauturu nei ’oia iā’u ’e tē arata’i nei ’oia iā’u. ’E i teienei, tē patu nei te ’Ēkālesia i te hō’ē hiero i ’Īnītia !
Tē ora nei au i roto i te hō’ē ’oire nehenehe ’e e rave rahi mirioni ta’ata. I rotopū i terā mirioni ta’ata, e ono ta’ata tā’u i here roa : Tō’u māmā ; tō’u tuahine iti, ’o Halle ; tō’u nā metua rū’au here ; tō’u pā’ino tāne ; ’e tō’u pātea. ’O rātou te mau ta’ata faufa’a roa a’e i roto i tō’u orara’a.
I teie matahiti ’ua rave mātou i te tahi mau ’ohipa ri’i nō te ’ā’amu ’utuāfare, ’e ’ua ha’api’i mai au nō ni’a i tō’u mau tupuna. ’Ua parau Māmā ē, e rouru roa roa tō te mau vāhine ’e te mau tāne i roto i tō’u ’utuāfare, mai tō’u. I muri iho ’ua parau mai ’oia i te hō’ē ’ohipa faufa’a roa : Tē tīa’i nei tō’u mau tupuna iā’u i roto i te ao vārua ! ’Ua parau ’oia ē, tē tīa’i nei rātou ’ia bāpetizohia rātou—mai tā’u i tīa’i i te ti’ara’a tō’u va’u matahiti nō te bāpetizo iā’u. (’Ia ’ite ’outou, ’ua bāpetizohia vau i tō’u mahana fānaura’a ! Mea fa’ahiahia roa, e ’ere ānei ?)
’Ua parau Māmā tei roto tō’u mau tupuna i te ao vārua. ’Aita tō rātou e tino mai tō’u nei, nō reira, ’aita rātou e tano ’ia bāpetizohia. Mea ’oto roa ! Nō reira tātou e bāpetizohia ai nō rātou i roto i te hiero. ’Ua parau vau ia Māmā ē, ’ia patu-ana’e-hia te hiero i Bengaluru, ’e ’ia pa’ari au, e hina’aro vau ’ia bāpetizohia vau nō rātou.
’Ia ora na ! ’O Giselle Olivia tō’u i’oa. ’Ua fānauhia vau i ’Īnītia. ’Ua here au ia Iesu Mesia. E 2,3 ana’e i ni’a i te hānere o te mau ta’ata ’Īnītia e mau keresetiano. ’Oia mau, e mea fifi i te tahi taime. ’Ua ’ite rā vau ē, tē tauturu nei ’oia iā’u ’e tē arata’i nei ’oia iā’u. ’E i teienei, tē patu nei te ’Ēkālesia i te hō’ē hiero i ’Īnītia !
Tē ora nei au i roto i te hō’ē ’oire nehenehe ’e e rave rahi mirioni ta’ata. I rotopū i terā mirioni ta’ata, e ono ta’ata tā’u i here roa : Tō’u māmā ; tō’u tuahine iti, ’o Halle ; tō’u nā metua rū’au here ; tō’u pā’ino tāne ; ’e tō’u pātea. ’O rātou te mau ta’ata faufa’a roa a’e i roto i tō’u orara’a.
I teie matahiti ’ua rave mātou i te tahi mau ’ohipa ri’i nō te ’ā’amu ’utuāfare, ’e ’ua ha’api’i mai au nō ni’a i tō’u mau tupuna. ’Ua parau Māmā ē, e rouru roa roa tō te mau vāhine ’e te mau tāne i roto i tō’u ’utuāfare, mai tō’u. I muri iho ’ua parau mai ’oia i te hō’ē ’ohipa faufa’a roa : Tē tīa’i nei tō’u mau tupuna iā’u i roto i te ao vārua ! ’Ua parau ’oia ē, tē tīa’i nei rātou ’ia bāpetizohia rātou—mai tā’u i tīa’i i te ti’ara’a tō’u va’u matahiti nō te bāpetizo iā’u. (’Ia ’ite ’outou, ’ua bāpetizohia vau i tō’u mahana fānaura’a ! Mea fa’ahiahia roa, e ’ere ānei ?)
Mai teie te huru o te hiero nō Bengaluru (’Īnītia), ’ia oti ana’e !
Fa’ahōho’ara’a nā Patricia Castaleo