Rima tauturu ’ati a’e te ao nei
Fārerei ia Magali nō Urutue
Fārerei i te mau tamari’i Paraimere e tauturu ra ia vetahi ’ē, mai tā Iesu i nā reira.
Nō ni’a ia Magali
Matahiti : 11
Nō : Urutue
Reo : Pāniora
’Utuāfare : Pāpā, Māmā, hō’ē taea’e, piti tuahine ’e Māmā rū’au
Te mau fā ’e te mau moemoeā : 1) Haere i te misiōni. 2) E ’ohipa ’e te pū UNICEF nō te tauturu i te mau tamari’i ’ati a’e te ao nei.
Nā rima tauturu o Magali
E tauturu Magali i tōna nā metua i roto i tā rātou fa’a’apu. E ha’aputuputu ’oia i te mau huero moa ’ia ’amu tōna ’utuāfare. E hōro’a ’oia i te ū i te mau fanau’a pua’atoro ’e te pape i te mau rāpiti. ’Ua riro te tauturura’a i tōna ’utuāfare ’ei ha’api’ira’a iāna i te faufa’a o te ’ohipa tāvinira’a. Tē parau ra ’o Magali : « ’Ia tamau noa tātou i te tāvini i te mau ta’ata e ha’ati nei ia tātou e ti’a ai ».
Te tahi atu tāvinira’a a Magali, ’o te tauturura’a ïa i tōna Māmā rū’au ’ia tai’o i te mau pāpa’ira’a mo’a, te Buka a Moromona iho ā rā. E ’oa’oa rahi tōna ’ia pe’e ia Iesu nā roto i te tauturura’a ia vetahi ’ē.
Te mau mea e auhia e Magali
Vāhi : Te hiero nō Montevideo (Urutue)
’Ā’amu nō Iesu : I te fa’aorara’a Iesu i te vahine tei tāpe’a i tōna ’ahu
Hīmene Paraimere : « Le jour de mon baptême » (Chants pour les enfants, 53)
Mā’a : Te mau mea ato’a tā tōna metua vahine e tunu
’Ū : Tārona
Tumu parau i te fare ha’api’ira’a : Te nūmerara’a
Fa’ahōho’ara’a nā Tammie Lyon