Fa’a’ite ’e parau
’Ia feruri ana’e au i te hiero, e mana’o maita’i tō’u. Tē tīa’i maoro nei au ’ia ti’a tō’u matahiti 11 nō te tāvini i roto i te hiero o te Metua i te Ao ra.
Raphael D., 10 matahiti, Paraná, Peretīria
E mea nehenehe roa te tumu rā’au o tō’u ’utuāfare i te mea tē vai nei te mau i’oa ’e te mau hōho’a nō tō’u mau metua pa’ari ’e tō’u mau taea’e fēti’i i ni’a iho. ’Ua rave au i te ’ohipa fa’ahorora’a tuatāpapara’a parau, 1 156 i’oa ! Tē ti’aturi nei au ē te fa’ahorora’a tuatāpapara’a parau ’o te hō’ē ïa rāve’a nō te ’āmui tahi i te mau ’utuāfare.
Grace D., 11 matahiti, Tuha’a fenua Accra Rahi, Kana
’Ua fa’anu’u mai te hō’ē tamāroa ’āpī i roto i tā mātou piha ha’api’ira’a i rōpū i te matahiti. ’Ua hōro’a atu vau i tō’u taime nō te tauturura’a iāna ’ia ’ite ē tē fari’i-poupou-hia nei ’oia. ’O ’oia te hō’ē o tō’u mau hoa āpī !
Connor E., 7 matahiti, Mazovia, Pōrōnia
’Ua fanauhia vau i Tuatemara, ’e nō te ’ōro’a Día de Muertos, ’oia ho’i te Mahana nō tei Pohe, e hāmani te ta’ata i reira i te mau pāuma nō te fa’aha’amana’o ia rātou i te mau melo o tō rātou ’utuāfare tei pohe. ’Ua hāmani au i te hō’ē hōho’a o tō’u mau tupuna ’e te hō’ē hōho’a nō’u iho i rōpū nō te fa’aha’amana’o iā’u i tō rātou here.
Sienna S, 8 matahiti, Utah, Marite
’Ua tauturu vau i te hōro’a i te vahie i te hō’ē utuāfare ’ia nehenehe ia rātou ’ia ve’ave’a i roto i tō rātou fare.
Sebastian B., 10 matahiti, Virginia, Marite
’Ua tauturu māua i te vaira’a mā’a nā roto i te fa’autara’a i te mau ’āfata mā’a i roto i te pere’o’o. ’Ua fa’aha’amana’o te reira ia māua ’ia ha’amāuruuru nō te mau mea e vai ra ia māua ra. ’Ua ’oa’oa māua i te mea ē, ’ua ti’a ia māua ’ia tāvini i pīha’i iho i tā māua pāroita.
Emma K. ’e ’o Charlotte F., 9 ’e 11 matahiti, New Jersey, Marite
I tō te peresideni Nelson anira’a ia tātou ’ia tai’o i te Buka a Moromona, ’ua fa’aoti au e tai’o i te reira ’e tō’u nā metua. ’Ua putapū vau i te Vārua Maita’i i te paraura’a mai iā’u ē, e parau mau te Buka a Moromona. ’Ua tai’o vau i tā’u mau pāpa’ira’a mo’a i te mau mahana ato’a ’e ’ua noa’a tō’u ’itera’a pāpū pūai a’e.
Savanna R., 10 matahiti, Texas, Marite
« ’Ua here te Mesia ia tātou », Andrea V., 8 matahiti, Retalhuleu, Tuatemara
Emma C., 7 matahiti, Santiago, Chili
« Ha’amāuruuru », Lincoln H., 10 matahiti, Idaho, Marite
« Iona ’e te tohorā », Ben M., 10 matahiti, Missouri, Marite
Bobby H., 8 matahiti, Alberta, Canada