’Ā’amu nō roto mai i te mau pāpa’ira’a mo’a

Tē fa’aineine nei Iosepha nō te mau tau fifi

E nehenehe ’outou e tai’o i teie ’ā’amu i roto i te Genese 41.

E peropheta ’o Iosepha. ’Ua ora ’oia i Aiphiti. I te hō’ē pō, ’ua moemoeāhia ’o Pharao, te ari’i nō Aiphiti, i te hō’ē moemoeā huru ’ē. ’Ua ui ’oia ia Iosepha e aha te aura’a o te moemoeā.

’Ua tauturu te Atua ia Iosepha ’ia hāro’aro’a i te moemoeā. E hitu matahiti te maoro, e rahi roa te mā’a a te ta’ata. I muri iho, e hitu matahiti, ’aita e nava’i tā rātou mā’a. ’Ua parau Iosepha ia Pharao.

’Ua parau Iosepha e ti’a ia rātou ’ia ha’aputu i te mā’a i teienei. ’Ei reira rātou e ineine ai nō te mau tau fifi. ’Ua fa’aue Pharao ia Iosepha ’ia ha’apa’o i te ha’aputura’a i te mā’a. ’Ua rave ’itoito Iosepha i te ’ohipa.

I te taera’a mai nā matahiti o’e e hitu, ’ua nava’i te mā’a a te ta’ata nō te ’amu. ’Ua nava’i ato’a tā rātou nō te ’ōpere nā vetahi ’ē.

E nehenehe au e fa’aineine i teienei. Nā roto i te tauturu a te Atua, e nehenehe au e fa’aruru i te mau taime fifi !

Fa’ahōho’araʼa nā Apryl Stott