’Ā’amu nō roto mai i te mau pāpa’ira’a mo’a

Mose ’e te māna

E nehenehe ’outou e tai’o i teie ’ā’amu i roto i te Exodo 16.

E peropheta ’o Mose. ’Ua arata’i ’oia i te mau ta’ata o te Atua i te fenua i parauhia ra. E rave rahi mahana tō rātou haerera’a.

’Ua po’ia te mau ta’ata. ’Aita tā rātou e mā’a. Nō reira, ’ua hōro’a mai te Atua i te mā’a nā te ra’i mai. ’Ua parauhia te reira e māna.

I te mau po’ipo’i ato’a, ’ua ha’aputuputu te mau ta’ata i te māna nō te ’amu. E’ita rā te reira e vai ’āpī noa i te roara’a o te pō. Tītauhia ia rātou ’ia ha’aputuputu rahi atu ā i te mahana nō muri iho.

Tē fa’aha’amana’o nei te māna ia tātou ia Iesu Mesia. ’Ua hōro’a mai te Atua i te māna nō te fa’aora i te mau ta’ata. ’Ua tono ato’a mai ’oia ia Iesu i te fenua nei nō te fa’aora ia tātou. Tē hina’aro nei tātou ia Iesu i te mau mahana ato’a, mai tā tātou e hina’aro nei i te mā’a i te mau mahana ato’a.

E pe’e au ia Iesu. E hōro’a mai ’oia i te pūai iā’u ’e e tauturu iā’u ’ia ’ite i tōna here i te mau mahana ato’a.

Fa’ahōho’araʼa nā Apryl Stott