Rima tauturu ’ati a’e te ao nei
Fārerei ia Alice nō Fītī mai
Fārerei i te mau tamari’i o te Paraimere e tauturu ra ia vetahi ’ē, mai tā Iesu i nā reira.
Te mau mea ato’a nō ni’a ia Alice
Matahiti : 10
Nō : Fānauhia i Taina ’e i teienei e ora ra i Fītī
Mau reo : Tinito ’e peretāne
Te mau fā ’e te mau moemoeā : 1) ’Ia riro mai ’ei ta’ata pēni hōho’a. 2) Ha’api’i maita’i a’e mai i te reo peretāne nā roto i te tai’ora’a nō ni’a ia Iesu.
’Utuāfare : Pāpā, māmā, tuahine ’e taea’e
Mau rima tauturu a Alice
E taote te māmā o Alice, ’e tē ha’api’ipi’i nei tōna metua tāne i te ta’ata i te ’ohipa tauturu mātāmua. ’Ua ha’amau Alice ’e tōna ’utuāfare i te hō’ē pupu feiā ’āpī e hōro’a i tō rātou taime nō te tauturu i te mau ta’ata i tō rātou tuha’a fenua.
’A tahi, ’ua ha’api’ipi’i tōna nā metua hau atu i te 100 taure’are’a ’e tō rātou mau metua i te ’ohipa tauturu mātāmua. ’Ua tauturu ato’a ’o Alice. I muri iho, ’ua ha’aputu mai te pupu hau atu i te 3 000 ’ahu nō te mau ta’ata nava’i ’ore. ’Ua ha’aputu ato’a mai rātou e rave rahi tīa’a.
’Ua fa’ahiahia roa te mau muto’i o te ’oire i tā rātou ’ohipa. ’Ua hōro’a rātou i te hō’ē ’aira’amā’a nā te pupu i te mātete nō te tauturu ia rātou ’ia rave hau atu ā i te ’ohipa maita’i.
« Tē ti’aturi nei mātou i te Atua », ’ua parau Alice. « Nō reira mātou e tāvini ai i te mau ta’ata ato’a ! »
Te mau mea au-roa-hia e Alice
Vāhi : Te pae miti
’Ā’amu nō ni’a ia Iesu : Te taime ’a tāpe’a ai te vahine i roto i te naho’a ta’ata i tōna ’ahu ’e ’ua ora ’oia
Hīmene paraimere : « Je voudrais déjà partir en mission » (Chants pour les enfants, 90)
Mā’a : Faraoa hōpue titona tāpūpūhia
Te ’ū : Vare’au
Tumu parau i te fare ha’api’ira’a : Nūmerara’a
Fa’ahōho’ara’a nā Anthony Lewis