E a’ora’a nō te ’āmuira’a nā te peropheta

Te ’itera’a i te hau i tō ’outou ’ā’au

Nā te peresideni Russell M. Nelson

’Ia au i nā a’ora’a ra « Porora’a i te ’evanelia o te hau » ’e « Te mana o te haerera’a i mua i te pae vārua », Liahona, Mē 2022.

’Ua here au ia ’outou ’e tē pure nei au nō ’outou i te mau mahana ato’a. E rave rahi te fifi i roto i te ao nei. ’Ua fa’atupu te mau tama’i ’e te pararera’a ma’i pe’e i te fifi i ni’a i te mau ta’ata e rave rahi. Tītauhia te tauturu i roto i te ao.

’O Iesu Mesia te Ari’i nō te hau. ’O tāna ’evanelia te rāve’a hō’ē roa ’e te vai maoro e ’itehia ai te hau. I teienei, hau atu ho’i i te mātāmua ra, tītauhia te hau ’o tāna noa e nehenehe e fa’atae mai.

’Ia fa’a’ite te feiā ’āpe’e ia Iesu Mesia i tō te ao ato’a nei i te hi’ora’a e pe’e. Nāhea pa’i tātou e tītau ai i te hau i roto i te ao mai te peu ’aita tātou e tītau nei i te hau i roto i tō tātou iho orara’a ? ’Aita tō tātou mana i ni’a i te ’ohipa a te hō’ē ta’ata. Tā tātou nei rā, mana ïa.

’A rohi na ’ia fa’aea te mau tāma’i i roto i tō ’outou orara’a. ’Ia vai ha’eha’a noa, ’e te itoito ’e te pūai. E tauturu te reira ia ’outou ’ia fa’a’ore i te hapa a vetahi ’ē ’e ’ia ’imi ho’i i te fa’a’orera’a hapa ’ia hape ana’e ’outou. ’A ani i te mana nō ’ō mai ia Iesu Mesia ’e tāna tāra’ehara nō te tauturu ia ’outou.

’O Iesu te Mesia ! Tē ora nei ’oia ! ’Ua here ’oia ia ’outou ’e e tauturu ’oia ia ’outou.

te mau tama’i : te mārōra’a ’aore rā te mana’o tū’ati ’ore

« Tā’u pi’ira’a, ’ia fa’a’ore i te mau tama’i i roto i tō ’outou ’ā’au ’e tō ’outou orara’a. »

Peresideni Russell M. Nelson

Fa’aoti i te ’ā’amu

E aha tā ’oe e rave ’ia tupu ana’e te hō’ē tātama’ira’a i roto i te hō’ē taea’e, te hō’ē tuahine ’aore rā te hō’ē hoa ? Mā’iti hō’ē o te mau hōho’a i raro nei. I muri iho e pāpa’i i te hōho’a ’aore rā te parau nō te rāve’a e ’itehia ai te hau.

Taputō

Haru mai i tāna tauiha’a

Fa’ari’ari’a

Mana’o tauturu nō te ta’ata fa’atupu hau

• Fa’afa’aea ri’i nō te tāmarū ia ’oe.

• Ha’amana’o ē, e mau tamari’i ana’e tātou nā te Atua.

• Parau ma te reo au.

• Feruri tō vetahi ’ē mana’o.

• Paraparau i te hō’ē metua.

• Pure.

• Tai’o i te hō’ē ’ā’amu nō roto mai i te mau pāpa’ira’a mo’a.

• Parau « tē tātarahapa nei au » ’aore rā « tē fa’a’ore nei au i tā ’oe hapa. »

E nāhea vau i te ’ite i te hau