’Ā’amu nō roto mai i te mau pāpa’ira’a mo’a

Ruta ’e Naomi

’Ua haere mai ’o Naomi ’e tōna ’utuāfare i te hō’ē fenua ’āpī nō te hō’ē o’e. ’Ua fārerei rātou i te hō’ē tamāhine ’o Ruta te i’oa. ’Ua fa’aipoipo ’o Ruta i te tamaiti a Naomi.

I muri iho, ’ua pohe te tāne a Naomi. ʼUa ʼoto roa ’o Ruta.

’Ua ’oto ato’a ’o Naomi. ’Ua fa’aoti ’oia e ho’i i te fenua nō reira mai ’oia.

’Ua parau ’o Naomi ia Ruta ’ia ho’i i tōna ’utuāfare ra. ’Ua here rā ’o Ruta ia Naomi. ’Ua parau fafau ’oia e haere mai ’oia ’e ’o Naomi ’e e ha’apa’o ’oia iāna.

E mea veve ’o Ruta ’e ’o Naomi. Nō reira, ’ua rave itoito ’o Ruta i te ’ohipa nō te ’imi i te mā’a nā rāua.

I te hō’ē mahana, ’ua ’ite te hō’ē ta’ata ’o Boaza te i’oa ia Ruta i te ha’aputuputura’a i te mau huero toetoe i roto i te hō’ē o tāna mau fa’a’apu.

E mea maita’i ’o Boaza. ’Ua parau ’oia i tāna mau rave ’ohipa ’ia vaiiho i te mā’a hau nā Ruta.

I muri a’e, ’ua fa’aipoipohia ’o Ruta ’e ’o Boaza. ’Ua fānau rāua i te hō’ē ’aiū tamāroa. ’Ua tauturu ’o Naomi i te ha’apa’ora’a iāna.

E nehenehe au e tauturu i te aupurura’a ia vetahi ’ē. E nehenehe au e fa’a’ite i te maita’i i te feiā nava’i ’ore.

E nehenehe ’outou e tai’o i teie ’ā’amu i roto i te Ruta 1–4.

Fa’ahōho’araʼa nā Apryl Stott