Rima tauturu ’ati a’e te ao nei
Fārerei ia Animan nō te Fenua ’Īvori
Fārerei i te mau tamari’i o te Paraimere e tauturu ra ia vetahi ’ē, mai tā Iesu i nā reira.
Te mau mea ato’a nō ni’a ia Animan
Matahiti : 12
Reo : Farāni
Tāna mau fā ’e mau moemoeā : 1) Ha’api’i mai nō ni’a i te tahi atu mau fenua ’e mau ta’ere. 2) Tāvini i te hō’ē misiōni rave tāmau.
’Utuāfare : Pāpā, māmā ho’ovai, ’e e pae taea’e ’e tuahine
Rima tauturu o Animan
’Ua tauturu ’o Animan nā roto i te fa’a’īra’a i te tura pape tā tōna ’utuāfare e fa’a’ohipa nō te horoi i te mau mea. E tauturu ato’a ’oia i tōna ’utuāfare nō tā rātou fare toa. E purūmu ’oia, e tāmā ’e e fa’a’ī i te mau pa’epa’e. ’Aita ’oia e ha’avare i te mau hoani.
’Ua tāmata ’o Animan ’ia riro ’ei hi’ora’a maita’i i te mau taime ato’a. I te tahi taime, e fa’ao’ō’o te ta’ata iāna nō te ’orera’a e inu i te ’ava. E turu rā te tahi atu mau ta’ata iāna ’ia pāruru ’oia i te mea ti’a. Tē parau nei ’oia ē, ’ia rave ana’e ’oia i te mea ti’a, e fa’atupu te reira i roto iāna i te mana’o ē, ’ua roa’a iāna te hō’ē rē ! E diakono ’o Animan. E mea au nāna ’ia ’ōpere i te ’ōro’a mo’a nō te mea e tauturu te reira i te ta’ata ’ia ha’amana’o ia Iesu.
Te mau mea auhia e Animan
’Ā’amu nō ni’a ia Iesu : I tōna purera’a i roto i te ’ō nō Getesemane
Te hīmene Paraimere : « Partout dans le monde » (Chants pour les enfants, 4–5)
Mā’a : Foutou (e maniota ’e te tahi huru fē’i tei ha’aperehūhia)
Tumu parau i te ha’api’ira’a : Farāni
Fa’ahōho’ara’a nā Dani Jones