Ha’apa’o maita’i iā’u !

Fa’a’eta’eta i te tino

E aha tā ’oe mau ohipa au roa a’e ’o tē fa’aha’uti ia ’oe ?

Mana’o tauturu

• ’A tāmata i te ha’uti i rāpae’au nō te tahi ma’a taime iti i te mau mahana ato’a.

• ’A ’ārearea ! E fa’atupu i te hō’ē fa’a’oa’oara’a ’ori, e ha’uti i te hō’ē tū’aro, ’aore rā e hāhaere nā roto i te nātura.

• Mai te mea ē, tē pārahi ra ’oe nō te hō’ē taime maoro, ’a fa’afa’aea ri’i nō te hutihuti ri’i i te uaua ’e nō te hāhaere ri’i.

« E horo ho’i [rātou] ’e e ’ore roa e paruparu, ’e e haere ’e e ’ore roa e rohirohi » (Te Ha’api’ira’a Tumu ’e te mau Fafaura’a 89:20).

Ta’oto maita’i

E aha tā ’oe e nehenehe e rave nō te ta’oto maita’i i te pō ?

Mana’o tauturu

• ’A haere e ta’oto ’e ’a ti’a i ni’a i te hō’ē ā taime i te mau mahana ato’a.

• ’A tāmata i te ta’oto e iva ē tae atu i te ’ahuru mā hō’ē hora i te pō tāta’itahi.

• ’A tūpohe i tā ’oe mau mātini uira hō’ē hora nā mua a’e i te hora ta’otora’a nō te tauturu ia ’oe ’ia fa’afa’aea maita’i a’e.

« ’A haere vave atu i ni’a i tō ’outou ro’i, ’ia ’ore ’outou ’ia rohirohi » (Te Ha’api’ira’a Tumu ’e te Mau Fafaura’a 88:124).

’Amu i te mā’a maita’i

E aha tā ’oe mau mā’a maita’i au roa a’e ?

Mana’o tauturu

• Tāmata i te ’amu i te mā’a rau, ma te fāino. (Hi’o Te Ha’api’ira’a Tumu ’e te mau Fafaura’a 89:10–17 ’ei hi’ora’a.)

• ’Amu fa’aiti i te mau monamona, ’e ’a tāmata ’eiaha e ’amu pinepine i te reira.

• ’A inu fa’arahi i te pape i te mahana tāta’itahi.

« Te mau mea ato’a ’o tei tupu mai i te fenua nei […] nō te ha’apūai i te tino » (Te Parau Ha’api’ira’a ‘e te mau ParauTe Ha’api’ira’a Tumu ’e te mau Fafaura’a 59:18–19).

Tāmarū i te tino

E aha tā ’oe e au ’ia rave nō te tāmarū i te tino ?

Mana’o tauturu

• Mai te mea ē, tē pe’ape’a ra ’oe, tē ’oto ra ’aore rā tē riri ra, ’a paraparau i te hō’ē ta’ata pa’ari ti’aturihia.

• ’A rave i te taime i te mau mahana ato’a ’ia vai māmū noa ’e ma te hau.

• ’A pure i te Metua i te Ao ra i te mau mahana ato’a. ’A parau iāna i te mau mea tā ’oe i māuruuru ’e te mau mea tā ’oe e hina’aro i te tauturu.

« ’A fa’atupua na, ’ia ’ite mai ē, ’о vau te Atua » (Salamo 46:10).

’Ape i te ’ino

E nehenehe te tahi mau mea e fa’a’ino i tō tātou tino ’aore rā, e riro mai ’ei mea fa’atītī, ’e ’ua fifi atu ra ’ia fa’aea i te fa’a’ohipa i te reira. Teie te tahi mau mea e ti’a ia ’oe ’ia fa’aātea ’ē atu :

• ’Ava’ava

• Taofe

• E-’ava’ava/fa’aauauahi

• Tī

• Inuinu ’ava

• Te mau rā’au ta’ero ’ino

Faʼahōhoʼaraʼa nā Josh Talbot