Hugsa um okkur sjálf!

Æfingar

Hverjar eru ykkar eftirlætis athafnir til hreyfingar?

Ábendingar

• Reynið að leika ykkur úti dag hvern um stund.

• Gerið það skemmtilegt! Hafið danspartý, leikið íþrótt eða farið í göngu í náttúrunni.

• Ef þið sitjið lengi, breytið þá um og teygið ykkur og gangið um.

„[Þau] munu hlaupa án þess að þreytast og ganga án þess að örmagnast“ (Kenning og sáttmálar 89:20).

Fáið nægan svefn

Hvað getið þið gert til að fá góðan nætursvefn?

Ábendingar

• Farið í rúmið og vaknið á sama tíma dag hvern.

• Reynið að fá níu til ellefu klukkustunda svefn hverja nótt.

• Slökkvið á öllum tækjum klukkustund fyrir háttatíma svo þið hvílist betur.

„Gangið snemma til hvílu, svo að þér þreytist ekki“ (Kenning og sáttmálar 88:124).

Borðið hollan mat

Hver er eftirlætis hollustumatur ykkar?

Ábendingar

• Reynið að borða fjölbreyttan góðan mat. (Sjá til dæmis Kenningu og sáttmála 89:10–17.)

• Borðið lítið á milli mála og reynið að gera það ekki of oft.

• Drekkið mikið af vatni dag hvern.

„Allt, sem af jörðu kemur … er … til að styrkja líkamann“ (Kenning og sáttmálar 59:18–19).

Slakið á

Hvað gerið þið til að slaka á?

Ábendingar

• Ef þið eruð áhyggjufull, döpur eða reið, ræðið þá við áreiðanlegan fullorðinn einstakling.

• Gefið ykkur tíma dag hvern til kyrrlætis og rósemdar.

• Biðjið til himnesks föður dag hvern. Segið honum frá því hvað þið eruð þakklát fyrir og hvað það er sem þið þarfnist hjálpar með.

„Hættið og játið að ég er Guð“ (Sálmarnir 46:11).

Forðist hið slæma

Sumt getur skaðað líkama okkar eða valdið ávanafíkn, svo afar erfitt verður að láta af því. Hér er nokkuð af því sem þið ættuð að forðast:

• Tóbak

• Kaffi

• Rafrænar reykingar/gufureykingar

• Te

• Áfenga drykki

• Skaðleg lyf

Myndskreyting eftir Josh Talbot