Uo i le Uo
Leai se Nofoaga e Pei o le Aiga
Saunia e Amy A. Wright
Fesoasoani Lua i le Au Peresitene Aoao o le Peraimeri
Mai se faatalatalanoaga ma Sydney Walker.
O le tina o le tina o le tina o lo‘u tinamatua o Mary Wilson Montgomery. Sa soifua mai o ia i Sikotilani. O ia ma lona toalua, o Robert, na folau atu i Kanata e saili ni avanoa fou.
I le tautotogo o le 1845, sa la feiloai ai i faifeautalai. O lena taumalulu, na saunia ai Mary ma Robert e auai i le Ekalesia. Sa tatau ona latou tipiina se pu i le aisa ina ia papatisoina ai!
Na siitia atu Mary ma Robert i Navu, Ilinoi, ISA, e faatasi ma isi tagata o le Ekalesia. Ae e lei umi ae faamalosia i latou e tuua o latou fale. Sa la o atu i Iuta i se taavale solofanua e ufiufi. Sa la nonofo i Ogden i Matu i se auvae mauga. Sa faamanatu atu ai ia Elisapeta se mauga i Sikotilani e igoa ia Ben Lomond (Beacon Mountain). Sa ia talosaga atu i taitai o le aai e faaigoa foi lenei mauga o Ben Lomond. Sa latou malilie i ai.
A o ou tuputupu ae, sa nonofo o‘u matua matutua i le pito i lalo o Ben Lomond i Iuta. Sa masani ona matou o i lo la fale e faamanatu aso malolo ma gaoioiga faapitoa. I le taumalulu, o le kiona i luga o le mauga e foliga mai pei o se foliga. Sa ta‘u mai e lo’u tinamatua ia te a‘u o le mauga na faamanatu atu ai ia te ia ia malosi, lototele, ma faamaoni, e pei o Mary. Sa ia fai mai sa pei lava o se agelu o loo leoleoina i matou. “Pe a mafai lava ona e vaai ia Ben Lomond,” o lana tala lea, “ua e i ai i lou aiga.”
Ou te manatu o malumalu e pei o Ben Lomond. Latou te faamanatu mai ia i tatou ia malolosi, lototoa, ma faamaoni. Pe a tatou vaai atu i le malumalu, tatou te manatua lo tatou aiga faalelagi. Ma e leai se nofoaga e pei o le aiga!
Ata na tusia e Augusto Zambonato