Tusia e You

Faafitauli i Tua o le Tulaga

Paisley B., 12 tausaga, Iuta, ISA

O lo‘u tuagane laitiiti e ese a, e maoae ona mafaufauga, ma e popole mo isi. O ia o se tasi o a‘u paaga sili ona tele pe a ou faatinoina se tala i luga o le tulaga. E i ai foi ni ona manaoga faapitoa. E laitiiti tele o ia mo lona matua ma o loo tauivi ma le faitautusi, tusitusi, talanoa, ma o nisi taimi o le malamalama i isi. E logonoa foi o ia.

I se tasi aso i le faataitaiga tala, sa ou savali atu ai i luga o le fasitepu e oo atu i le tulaga. Sa ou faalogo i se tasi o fai mai se tala leaga e uiga i tamaiti e i ai manaoga faapitoa. Sa amata ona tausua tagata uma ma talie i ai.

Ou te iloa latou te lei mafaufau e faatiga i o’u lagona, ae sa ou faanoanoa lava ma tamoe e sue se nofoaga ou te lafi ai. A o ou nofo ai i lo‘u lafitaga, sa nofo mai i o’u tafatafa se tagata matua ma amata ona talanoa mai ia te a‘u e uiga i le tala faatino. Sa amata ona ou lagonaina le mafanafana.

Ina ua oo i le taimi ou te alu ai i le fale, sa ou ta‘u atu i lo’u tina le mea na tupu. Sa ia ta’u mai ia te a’u e le afaina le savali ese mai se mea ou te lagona ai le leaga ma e le afaina le talanoa i se tagata matua e uiga i o’u lagona.

O nisi taimi e le malamalama ai tagata i lagona o le i ai o ni manaoga faapitoa po o le iloa o se tasi e i ai ni manaoga faapitoa. Ou te fia avea ma se faataitaiga o le alofa ma le agalelei.

Ata na tusia e Kristin Sorra