O le a Se Mea o i Lou Mafaufau?
E i ai ni a‘u fesili e uiga i le Ekalesia o loo faalavelave moni ia te a’u. O le a le mea e tatau ona ou faia?
—Atuatuvale i Trinidad
Lau Susuga Atuatuvale,
E leai se mea e leaga ai le i ai o ni fesili. O se vaega lena o le auala tatou te aoao ai, tuputupu ae, ma maua ai se molimau. Ae e taua le vaavaai mo tali i nofoaga e mafai ona e faatuatuaina. O nisi nei o mea e mafai ona e faia e maua ai tali lelei i au fesili. O le a fesoasoani Tama Faalelagi ia te oe i au fesili. E alofa o Ia ia te oe! Ma matou foi.
O Le Uo
Tatalo.
Ta’u atu ia Tama Faalelagi e uiga i au fesili ma ole atu ia te Ia e fesoasoani ia te oe.
Fesili i se matua po o se taitai.
Talanoa i se tasi e i ai sana molimau. E mafai ona latou fesoasoani ia te oe e saili ni nofoaga lelei e vaavaai ai mo ni tali, e pei o tusitusiga paia po o ChurchofJesusChrist.org.
Faalogo i le Agaga Paia.
Ia gauai atu i ou lagona pe a e tatalo, alu i le lotu, ma fesoasoani i isi. O se tasi o auala e fetalai mai ai le Tama Faalelagi ia i tatou e ala mai i lagona filemu ma fiafia mai le Agaga Paia.
Aua le fiu gofie.
Manatua e le afaina pe afai e le maua sau tali i le taimi lava lena. E aoao mai le Tama Faalelagi ia i tatou i sina mea itiiti i i ma sina mea itiiti i o. Ia faia pea mea lelei ma talitonu o le a Ia fesoasoani ia te oe.
Ata na tusia e Maryssa Dennis