Man we i raetem i Yu

Bak Stej Drama

Paisley B., 12 yia, Yuta, YSA

Yangfala brata blong mi i laekem blong pleplei krangke, i gat ol bigfala tingting, mo i kea abaot ol narafala man. Hem i wan long ol bigfala sapota blong mi taem mi plei long stej. Hem i gat sam spesel nid. Hem i gat wan smol bodi be yia blong hem i bigwan, mo i faenem i had blong rid, raet, toktok, mo samtaem, hem i no save andastanem ol narafala man. Hem i no save harem samting tu.

Wan dei long plei praktis, mi wokbaot i go antap long ol step blong go long stej. Mi harem wan man i talem wan samting nogud abaot ol pikinini wetem ol disabiliti. Evriwan i stat blong jik mo laf abaot toktok blong hem.

Mi save se oli no minim blong mekem mi filim nogud, be mi bin harem nogud mo ronwe blong faenem wan ples blong haed. Taem mi stap sidaon long ples we mi haed long hem, wan bigfala man i sidaon kolosap long mi mo stat blong toktok wetem mi abaot plei. Mi stat blong filim gud bakegen.

Taem we i taem blong go hom, mi talem long mama blong mi wanem we i bin hapen. Hem i talem long mi se, hem i oraet blong wokbaot aot long samting we i mekem yu filim nogud, mo i oraet blong toktok wetem wan bigman abaot ol filing blong mi.

Samtaem ol pipol oli no andastanem olsem wanem yu filim blong gat ol spesel nid, o blong save wan man we i gat ol spesel nid. Mi wantem blong stap wan eksampol blong lav mo kaen fasin.

Pikja droing i kam long Kristin Sorra