I Kam long Fas Presidensi
Laet mo Pis blong Tempol
I Kam long Presiden Henry B. Eyring
Seken Kaonsela long Fas Presidensi
Oli karemaot long “Mi Lavem blong Luk Tempol,” Liahona, Mei 2021, 28–31.
Blong luk wan tempol o pikja blong wan tempol, i save givim yu wan filing blong wantem go insaed sam dei. Dei ia bae i kam, taem we yu save kasem wan tempol rekomen blong mekem ol baptaes insaed long tempol. Taem yu mekem baptaes blong wan man we i ded, yu stap helpem Sevya long tabu wok blong Hem blong blesem wan pikinini blong Papa blong yumi long Heven.
Sam yia i pas, mi bin go wetem gel blong mi long tempol. Hem i laswan blong mekem wok blong baptaes long dei ia. Wan wok man long tempol i askem gel blong mi sapos hem i save stap smol taem moa blong mekem ol baptaes blong evriwan we nem blong olgeta i redi long dei ia. Hem i talem yes.
Mi lukluk smol gel blong mi i go insaed long ples blong baptaes. Ol baptaes oli stat. Wota i ron daon long fes blong hem evri taem we oli leftemap hem i kamaot long wota. Evri taem, oli askem hem, bakegen mo bakegen: “?Yu save mekem sam moa?” Evri taem, hem i talem yes long wan voes we i sua. Hem i stap kasem las man we i stap long lis blong dei ia i bin kasem baptaes long nem blong Jisas Kraes.
Mi tingbaot yet filing blong laet mo pis ia taem mitufala i wokbaot tugeta i kamaot long tempol. Hemia nao olsem wanem tempol seves i save leftemap mo jenisim yumi.
Tempol Laet
Putum ol pikja ia long hom blong yu blong stap rimaenem yu se yu save go insaed long tempol sam dei.
Ol Pikja Foto i kam long David Habben