Ol Han blong Help raon long Wol
Mitim Septream blong Kambodia
Mitim ol Praemeri pikinini we oli stap helpem ol narafala man, semmak olsem we Jisas i bin mekem.
Evri samting abaot Septream
Yia: 12
I kam long: Phnom Penh, Kambodia
Ol Lanwis: Khmer, Inglis
Ol Gol mo Drim: 1) Helpem Kambodia blong i kam wan moa gud kantri taem mi gro i kam antap. 2) Go long wan misin. 3) Go long tempol.
Famli: Septream, Mama, Papa, tu sista mo wan brata.
Ol Han blong Help blong Septream
Septream i stap skul long wan bigfala siti. Samtaem long skul, hem i stap luksave ol fren we oli nogat inaf kakae. Mekem se hem i stap serem ol snak mo lanj blong hem wetem olgeta. Septream i talem se blong stap helpem ol narawan i mekem hem i filim gud. “I mekem mi wantem blong mekem moa. Mi filim glad taem mi stap folem Jisas,” hem i talem.
Septream i talem se yumi kasem blesing taem yumi stap givim seves long ol nara man. “Taem yumi mekem wan samting we i gud, God bae i blesem yumi. Jisas i talem se blong stap mekem ol gudfala samting blong ol narafala pipol, i semmak olsem we yu stap mekem ol gudfala samting long Hem.”
Ol Fevret Samting blong Septream
Stori abaot Jisas: Taem Hem i helpem Pita blong wokbaot long wota.
Ples: Hom
Praemeri singsing: “Mi Pikinini blong God” (STSP, 58)
Kakae: Amok (fis we oli kukum long lif blong banana)
Kala: Blu
Sabjek long Skul: Inglis mo histri
Ol pikja droing oli kam long Lisa Hunt