Tempol Tua

?Hem i olsem wanem insaed long tempol? Lukluk insaed long Rio de Janeiro Brasil Tempol blong faenem aot. Tempol i wan ples we ol pipol oli kasem ol odinens (ol tabu samting we oli stap mekem o seremoni we oli mekem wetem prishud atoriti, olsem baptaes).

Rekomen Tebol

Taem yu go insaed long tempol, wan volontia bae i welkamem yu. Sapos yu go blong mekem baptaes mo konfemesen blong ol narafala man, bae yu soem pepa blong tempol rekomen blong yu. Hemia i soem se yu yu rere blong go insaed long tempol. Yu save karem wan rekomen long bisop blong yu o branj presiden blong yu long yia we bae yu gat 12 yia long hem.

Ples blong Baptaes blong Ol Dedman.

Insaed long tempol, yu save mekem baptaes long bihaf blong ol bubu blong yu mo olgeta we oli bin ded mo oli no kasem baptaes. Yu save kasem konfemesen blong olgeta mekem se bae olgeta i save kasem presen ia we i Tabu Spirit.

Odinens Rum

Long ples ia bae yu lanem moa abaot plan blong hapines blong Papa long Heven mo stamba tingting blong Hem from yumi long long wol. Sam dei yu save kam ia blong mekem ol spesel kavenan, o promes, wetem Hem.

Selestial Rum

Long naes, kwaet rum ia, i ples blong prea mo tingbaot ol samting we i impoten moa long laef blong yu. I mekem yumi tingbaot olsem wanem hom blong yumi long heven i luk olsem.

Siling Rum

Long rum ia, wan hasban mo waef i save mared blong taem we i no save finis. Hem ia oli singaotem siling. Ol kapol oli nil daon long olta ia blong kasem siling. Ol pikinini tu oli save sil wetem papa mo mama long ples ia sapos oli adoptem olgeta o oli bon bifo famli olgeta oli sil.