Elaeja mo Kwaet, Smol Voes

Elaeja i bin wan profet. Hem i wantem blong harem voes blong God. Hem i go antap long wan maonten blong harem gud moa voes blong God.

I bin gat wan strong win. Win i strong tumas we i brekem ol ston. Win i mekem bigfala noes. Be i no voes blong God.

Nekis wan, i gat wan etkwek. Wol i seksek. I gat wan faea tu. I laet bigwan. Be etkwek mo faea i no voes blong God.

Afta nao ples i kwaet. Elaeja i harem voes blong God. I bin wan kwaet smol voes. Be i klia.

Mi save harem voes blong God taem mi lisin long Tabu Spirit. Hem i toktok long mi long ol smol mo simpol wei.