Gaoioiga o le Sau, Mulimuli Mai ia te A’u
Mo afiafi faaleaiga, suesueina o tusitusiga paia, pe tau lava o se mea malie!
O le Leo Filemu, Itiiti
Mo le 1 Tupu 17–19
Tala: O Elia o se perofeta. Sa ia aoao faapea e fetalai mai le Agaga Paia i se leo itiiti, ma le filemu. E mafai ona e faitauina lenei tala i le itulau e 8 po o le 1 Tupu 19:11--12.
Pese: “O Le Agaga Paia,” (Tusipese a Tamaiti, 56)
Gaoioiga:Tuu atu i latou uma e nonofo i se laina. O le tagata muamua e musumusu atu ni upu i le isi tagata. E musumusu atu e tagata taitoatasi ia upu i le isi tagata. O le tagata mulimuli e ta‘u atu i tagata uma mea na latou faalogo i ai. O le a se mea e mafai ona e faia e faalogo lelei ai i le Agaga Paia?
Naamanu ma le Vavega
Mo le 2 Tupu 2–7
Tala: Sa maua Naamanu i se ma‘i e ta’ua o le lepela. Sa ta‘u atu e le perofeta o Elisaia ia te ia e taele faafitu i le Vaitafe o Ioritana ina ia faamaloloina ai. I le taimi muamua, sa lei manao Naamanu e fai. Ae ina ua faia e Naamanu le mea na fai atu ai Elisaia, sa faamaloloina o ia! (Tagai i le 2 Tupu 5.)
Pese: “E Vave Ona Ou Usitai” (Tusipese a Tamaiti, 71)
Gaoioiga: Fai pe tusi se vaitafe faafoliga e faaaoga ai maa, fasilaau, sioka, po o palanikeke. Ona oso faafitu lea i luga o lau vaitafe. Talanoa e uiga i le auala e mafai ai ona fesoasoani ia i tatou le faia o mea faigofie e finagalo le Atua tatou te faia.
E Mafai Ona Fesoasoani Tusitusiga Paia ia te A‘u
Mo le 2 Tupu 17–25
Tala: Sa amiotonu le Tupu o Iosia. Ina ua maua tusitusiga paia na leiloloa, sa ia faitauina atu i lona nuu. Sa ia folafola atu e tausia poloaiga. (Tagai i le 2 Tupu 23:2–3.)
Pese: ”Saili, Mafaufau Loloto, ma Tatalo” (Tusipese a Tamaiti, 66)
Gaoioiga: Tusi, tusi se ata, pe faatino se tala mai mau o le Feagaiga Tuai e te fiafia i ai. Na faapefea ona fesoasoani lenei tala ia te oe? Talanoa pe aisea e taua ai tusitusiga paia.
Meataulima o le Malumalu
Mo le Esera 1; 3–7; Neemia 2; 4–6; 8
Tala: Sa faaumatia le malumalu i Ierusalema. I ni tausaga mulimuli ane, na toe fausia ai e tagata. Sa matuai fiafia lava i latou! Sa latou “viia le Alii” ma “alalaga leotetele i le olioli” (Esera 3:11, 12).
Pese: “Ou te Fia Vaai i le Malumalu” (Tusipese a Tamaiti, 99)
Gaoioiga: Gagau faaafa se fasipepa. Tusi pe faapipii se ata o le malumalu i luma. Ona tatala lea o le gagau ma tusi se ata pe faapipii se ata o oe lava i totonu. Tusi upu, “O le a ou alu i totonu i se aso.” Talanoa e uiga i le auala e mafai ai e le alu i le malumalu ona faafiafiaina i tatou.
O Eseta ma le Tupu
Mo Eseta
Tala:Sa faaipoipo le Masiofo o Eseta i le tupu o Papelonia. Sa taumafai se tamaloa e faatogafiti le tupu i le fasiotia o lona nuu, o tagata Iutaia. Sa manaomia e Eseta ona fesoasoani i ona tagata. Sa ia fai atu ia i latou e anapopogi ma tatalo mo ia. Ina ua talanoa Eseta i le tupu, sa ia folafola atu o le a saogalemu tagata Iutaia.
Pese: “Ua Ou Iloa o Soifua Lo’u Tama,” (Tusipese a Tamaiti, 8)
Gaoioiga: Sue i le itulau 16 ma ‘oti ese ia papeti o tamatamai lima. Ona faaaoga lea o ata e faamatala ai le tala ia Eseta.
Ata na tusia e Katy Dockrill