Uo i le Uo
Tu Atu mo Mea E Te Talitonu I Ai
Saunia e Elder James R. Rasband
O Le Fitugafulu
Mai se faatalatalanoaga ma Sydney Squires.
A o ou tuputupu ae, sa talanoa mai lo‘u tina ia te au e uiga i le talalelei. Sa ia talanoa i ai i aso uma, ae le na o Aso Sa. Sa fiafia o ia i tala mai le Feagaiga Tuai.
O la’u tala tusi paia ou te fiafia i ai o le tala ia Tavita ma Koliata. O Tavita sa na o se leoleo mamoe talavou. O Koliata o se fitafita maualuga, ma le malosi. Ina ua alu Tavita e tau ma Koliata, sa lei ofuina e Tavita se ofutau. Na pau lana auupega o se maatā e togi ai ni maa laiti.
Ae sa tu atu Tavita mo le mea sa ia talitonu i ai. Sa le’i tuuatoatasi o ia. Sa ia te ia le mana o le Atua. Sa ia faatoilaloina Koliata.
Sa fiafia lo‘u tina e ta’u mai ia te a‘u le tala a Tavita ia Koliata: “Ua e sau ia te a’u ma le pelu, ma le tao, ma le talita: a ou te alu atu ia te oe i le suafa o Ieova o au” (1 Samuelu 17:45). Sa ou iloa sa talitonu lo‘u tina o le a faatasi le Atua ma i matou. O le a Ia fesoasoani mai ia i tatou e tusa lava pe tatou te feagai ma ni luitau tetele pei o Koliata.
O se lesona taua lenei mo au. I le mea na ou ola ae ai, sa masani ona na o au le tagata o le Ekalesia i le a‘oga, i a‘u au taaalo, po o uo. Ona o o‘u talitonuga, sa ese la’u tautala ma amioga nai lo le toatele o a‘u uo. O lenei mea na taitai atu ai i le tele o talanoaga ma a‘u uo e uiga i le Ekalesia. Sa faaaloalogia a‘u e a’u uo mamae. O isi taimi sa ula mai ai tagata ia te au. Ae ou te lei mā lava i o‘u talitonuga. Sa ou lagona le mitamita e tu atu mo se mea.
A tatou ola i le talalelei, o le a ese i tatou. Na fai mai le Aposetolo o Peteru o le a tatou “tulaga ese” (1 Peteru 2:9). Ma e le afaina lea. E le manaomia ona tatou popole e uiga i le ese pe a tatou tutu atu mo mea ua tatou talitonu i ai.
Ata na tusia e Jared Beckstrand