Pese e Fiafia i ai Fatima
Sa musamusa atu Fatima i le auala. Sa la savavali atu i le fale mai le aoga faatasi ma Mama. Sa ia hamuina se pese a o ia musamusa.
“Na fai mai Ms. Lopez ia i matou e aoao se pese,” o le tala lea a Fatima. “E mafai ona e aoao mai se pese ia te a‘u?”
Sa ataata Mamá. “Ioe!”
Ina ua la taunuu i le fale, sa usuina faatasi e Mama ma Fatima ni pese. Sa la usuina le tele o pese. Ae la te le‘i usuina le pese e sili ona fiafia i ai.
“E mafai ona ou usuina se pese Peraimeri?” O le fesili lea a Fatima.
“Ua lelei,” sa fai atu ai Mama.
Sa usu e Fatima le “E Mafai Ona Faavavau Aiga.” Sa ia faataitaia upu ma Mama. Ona ia usuina lea na o ia. Sa ia usuina seia oo ina sa‘o uma ana upu.
I le aoga, sa fiafia Fatima e faasoa atu lana pese i lana vasega.
“E manao se tasi e faasoa mai a latou pese?” Sa fai atu ai Ms. Lopez.
Na sii i luga le lima o Fatima. “O le a ou faia!”
Sa ia tu i luga ma ataata. “E i ai so’u aiga i lalo nei. Alolofa ia te a’u,” sa ia usuina ai.
A o ia pese, sa lagona e Fatima le fiafia. Ma sa ia manatuaina le pese atoa! Sa patipati tagata uma o lana vasega.
Ina ua uma le vasega, sa sau Mama e piki Fatima. Sa talanoa atu Ms. Lopez ia Mama.
“Sa ia usuina se pese matagofie. Ma sa le”i foliga fefe lava o ia.
Sa ataata Fatima. Na faapena foi Mama.
“Matou te usuina pese matagofie i vaiaso uma i le lotu!” Na fai atu ai Fatima.
“E mafai ona tatou o faatasi i soo se taimi,” o le tala lea a Mama.
Sa ataata Ms. Lopez. “Faafetai lava.”
Sa pese Fatima a o ia savali atu i le fale ma Mama. Sa fiafia o ia e faasoa atu se pese i lana vasega. O le pese na te lagona ai le fiafia.
Ata na tusia e Alessia Girasole