Mai le Au Peresitene Sili
O Le Malamalama ma le Filemu o le Malumalu
Saunia e Peresitene Henry B. Eyring
Fesoasoani Lua i le Au Peresitene Sili
Sii mai le “Ou Te Fia Vaai i le Malumalu,” Liahona, Me 2021, 28–31.
O le vaaia o se malumalu po o se ata o se malumalu e mafai ona avatu ai ia te oe se manao e alu i totonu i se aso. O le a oo mai le aso e mafai ai ona e maua se pepa faataga o le malumalu e faia papatisoga i le malumalu. Pe a papatisoina oe mo se tasi ua maliu, ua e fesoasoani i le Faaola i Lana galuega paia o le faamanuiaina o se atalii/afafine o lo tatou Tama Faalelagi.
I ni tausaga ua mavae, sa ma o ai ma lo‘u afafine i le malumalu. O ia le tagata mulimuli na papatisoina i lena aso. Sa fesili atu se tagata faigaluega o le malumalu i lo‘u afafine pe mafai ona ia nofo umi e papatiso mo tagata uma ua saunia o latou igoa i lena aso. Sa fai atu o ia ioe.
Sa ou mataituina lo’u afafine o laa atu i totonu o le faatanoa o le vai papatiso. Na amata le papatisoga. Sa tafe ifo le vai i ona foliga i taimi taitasi na sau ai o ia mai le vai. Sa toe fesiligia pea lava pea o ia, “E mafai ona e toe faia nisi?” O taimi uma lava, sa ia fai atu ai ioe i se leo naunautai. Sa nofo o ia seia uma ona papatisoina le tagata mulimuli i le lisi i lena aso i le suafa o Iesu Keriso.
Ou te manatua pea le lagonaina o le malamalama ma le filemu ao ma savavali faatasi mai le malumalu. O le auala lena e siitia ma suia ai i tatou e auaunaga i le malumalu.
Malamalama o le Malumalu
Tuu ata nei i lou fale e faamanatu atu ai ia te oe e mafai ona e alu i totonu o le malumalu i se aso.
Ata na tusia e David Habben