Lima Fesoasoani i le Lalolagi atoa
Feiloai ia Ella mai Finelani
Feiloai i tamaiti o le Peraimeri o loo fesoasoani atu i isi, e pei ona sa faia e Iesu.
Mea uma e uiga ia Ella
Tausaga: 7
Mai: Uusimaa, Finelani
Gagana: FaaFinelani
Sini ma miti: 1) Avea ma se teine tausima’i e pei o lona tina. 2) Fai sona lava aiga. 3) Avea ma se tagata pese po o se tagata siva.
Aiga: Ella, Tina, Tama, tuagane e toalua, ma se pusi e igoa ia Dose
O Lima Fesoasoani o Ella
E fiafia Ella e faaaofia ai isi. E le manao o ia e lagona e se tasi le tuulafoaiina. E alofa tele o ia i ona tausoga. O nisi o i latou o loo i totonu o lana uarota. E vaavaai o ia mo i latou i le Peraimeri i vaiaso taitasi.
E nofo lona tausoga o Liae i Siamani. Pe a sau o ia e asiasi, e faamautinoa e Ella e na te lagona le taliaina. Na te valaaulia o ia e taaalo ma ia ma ana uo.
E fiafia foi Ella ma lona aiga e fesoasoani i tagata i lo latou pitonuu. I le fale, na te faia ma le fiafia ana feau ma fesoasoani i ona tuagane e fai foi a la feau. Fai mai Ella o le auauna atu e faafiafia ai o ia.
O Mea e Fiafia i ai Ella
Tala e uiga ia Iesu: Ina ua Ia fafagaina tagata i falaoa ma i‘a
Nofoaga: O lana nofoaga autu e tausi ai tamaiti
Pese Peraimeri: “O A‘u o se Atalii o le Atua” (Tusipese a Tamaiti, 2)
Meaai: Supaketi i le sosi tamato
Lanu: Samasama
Mataupu i le aoga: Tusiata
Ata na tusia e Billy Yong