Maimoaga i le Malumalu

E faape’ī totonu o le malumalu? Tagai i totonu o le Malumalu o Rio de Janeiro Pasila e saili ai. O le malumalu o se nofoaga lea e maua ai sauniga e tagata (galuega paia po o sauniga e faia i le pule o le perisitua, e pei o le papatisoga).

O le Kesi mo Pepa Faataga

A e ulu atu i le malumalu, o le a faafeiloai oe e se tagata volenitia. Afai e te i ai iina ina ia papatisoina ma faamauina mo isi, o le a e faaali atu lau pepa faataga o le malumalu. Ua faaalia ai ua e sauni e te alu i totonu o le malumalu. E mafai ona e maua se pepa faataga mai lou epikopo po o le peresitene o le paranesi i le tausaga e atoa i ai lou 12.

Potu mo Papatisoga

I le malumalu e mafai ona e papatiso mo ou tuaa ma isi o e ua maliliu ae le’i papatisoina. E mafai foi ona faamauina oe mo i latou ina ia mafai ona latou maua le meaalofa o le Agaga Paia.

Potu o le Sauniga

O iinei o le a e aoao atili ai e uiga i le fuafuaga o le fiafia a Tama Faalelagi ma Lona faamoemoega mo i tatou i le lalolagi. E i ai se aso e mafai ai ona e sau iinei e osia ni feagaiga faapitoa, po o ni folafolaga, faatasi ma Ia.

Potu Selesitila

O lenei potu matagofie, toafilemu o se nofoaga e tatalo ma mafaufau ai i mea e sili ona taua i lou olaga. E faamanatu mai ai ia i tatou pe faapeī lo tatou aiga faalelagi.

Potu o le Faamauga

I totonu o lenei potu, e mafai ona faaipoipo ai se tane ma se ava e faavavau. E ta’ua lenei mea o le faamauga. E tootutuli ulugalii i le fatafaitaulaga ina ia faamauina. E mafai foi ona faamauina fanau i o latou matua iinei pe afai na vaetamaina i latou pe na fananau mai a o le’i faamauina lo latou aiga.