Mau ’ā’amu nō te mau pāpa’ira’a mo’a
Tē ha’api’i nei Isaia nō ni’a ia Iesu Mesia
E peropheta Isaïa. ’Ua ora ’oia hou Iesu Mesia ’a fānauhia mai ai. ’Ua ’ite rā ’oia ē, e haere mai Iesu.
’Ua parau Isaïa ē, e fānauhia Iesu ’ei Tamaiti nā te Atua. E tauturu ’e e fa’aora Iesu i te ma’i o vetahi ’ē.
’Ua parau ato’a Isaïa ē e haere mai Iesu i te fenua nei. E parauhia ’oia te Ari’i nō te hau. E hōro’a ’oia i tōna ora nō tātou, nō te mea ’ua here roa ’oia ia tātou.
’Ua tupu te mau mea tā Isaïa i ha’api’i. E rave rahi matahiti i muri mai, ’ua haere mai Iesu i te fenua nei. ’Ua fa’a’ite mai ’oia ia tātou i te ’ē’a. ’Ua pohe ’oia ’e ’ua ora fa’ahou mai. Tē ora nei ’oia i teie mahana !
E nehenehe au e ha’api’i mai nō ni’a ia Iesu Mesia. ’Ia ha’amana’o ana’e au i te mea tāna i rave nō’u, e tupu i roto iā’u te hau ’e te tīa’ira’a !
Fa’ahōho’araʼa nā Apryl Stott