Rima tauturu ’ati a’e te ao nei
Fārerei ia Jarom nō Mēhiko
Fārerei i te mau tamari’i Paraimere e tauturu ra ia vetahi ’ē, mai tā Iesu i rave.
Te mau mea ato’a nō ni’a ia Jarom
Matahiti : 10
Nō : te ’oire nō Mēhiko, Mēhiko
Reo : Pāniora
Te mau fā ’e te mau moemoeā : 1) Riro mai ’ei taote animara ’aore rā ’ei tahu’a mānava. 2) Pāpa’i i te mau hōho’a nehenehe. 3) Fa’atura ’e e hāmani maita’i ia vetahi ’ē.
’Utuāfare : Jarom, māmā, pāpā, e piti taea’e
Te mau rima tauturu o Jarom
E toru ’ūri na’ina’i tā Jarom. Hō’ē ’o tāna ’ohipa ’o te fa’a’amura’a ïa ia rātou i te mā’a i te mau mahana ato’a. ’Ua here roa ’oia ia rātou. E tamaiti fa’aro’o maita’i ato’a ’o Jarom ’e hō’ē misiōnare. I tōna ’itera’a ē, ’ua pohe te pāpā rū’au o tōna hoa, ’ua niuniu Jarom i tōna hoa. ’Ua fa’aro’o Jarom iāna ’ia paraparau. ’Ua tāmāhanahana ato’a ’oia iāna ’e ’ua parau nō ni’a i te fa’anahora’a a tō tātou Metua i te ao ra nō tātou.
’Ua hina’aro Jarom ’ia ’oa’oa tōna mau hoa. Pinepine ’oia i te paraparau ia rātou nō ni’a i te ’Ēkālesia ’e e ani ia rātou ’ia haere mai i te mau purera’a ’e i te mau ’ātivite. ’Ua parau Jarom, « ’ia pure ana’e ’outou, ’a ha’amana’o i tō ’outou mau hoa ’e ’utuāfare. E ani ’ia ’ite ē, nāhea ’outou ’ia tauturu ia rātou ».
Te mau mea au-roa-hia e Jarom
Te mau vāhi : Te ’āua ha’utira’a ’e te fare purera’a
Te mau ’ā’amu nō ni’a ia Iesu : I tōna tauturura’a i te hō’ē ta’ata matapō ’e i tōna ti’afa’ahoura’a mai
Hīmene Paraimere : « Le jour de mon baptême » (Chants pour les enfants, 53)
Mā’a : Tihōpu, ’ūmara pūtete tunu hinu ’e firifiri
Mau ’ū : Nīnamu ’e te vare’au
Te mau tumu parau i te fare ha’api’ira’a : Te pāpa’aparau ’e te ihi anoa fenua
Fa’ahōho’ara’a nā Mike Laughead