Tauturu mai tā Iesu

’Ua fafau mai Iesu ia tātou i te tāmāhanahana

’Ua ’ite Iesu Mesia e hina’aro tāna mau pipi i te tāmāhanahana i muri a’e i tōna pohera’a. Nō reira ’ua ha’api’i ’oia ia rātou nō ni’a i te Vārua Maita’i. ’Ua fafau mai ’oia ē, e tāmāhanahana te Vārua Maita’i ia rātou ’e e pārahi noa i pīha’i iho ia rātou. Hō’ē i’oa nō te Vārua Maita’i, ’o te Fa’aa’o ïa. ’Ia ’oto ana’e tātou ’aore rā, ’ia ri’ari’a ana’e tātou, e nehenehe te Vārua Maita’i e tauturu ia tātou ’ia ha’amana’o i te here o Iesu Mesia.

E nehenehe ’oe e tai’o i teie ’ā’amu i roto te Ioane 14:1, 16–18, 26.

E nehenehe au e tāmāhanahana ia vetahi ʼē.

• ’O vai te hina’aro i te tāmāhanahanara’a ?

• ’A pure ’e ’a hāmani i te hō’ē fa’anahora’a nō te tauturu ia rātou.

• ’A rave i tā ’oe fa’anahora’a !

• ’A tāpūpū i teie tāreta nō te fa’aha’amana’o ia ’oe ’ia tāmau noa i te tauturu mai ia Iesu.

’Ua hōro’a tō’u māmā, tō’u pāpā ’e ’o vau i te mau paraitete i te hō’ē fare ma’i nō te mau tamari’i. ’Ua parau te mau rave ’ohipa nō te fare ma’i ē, e tauturu te mau paraitete i te mau tamari’i ’ia ’ore e mata’u fa’ahou. Tē ’oa’oa nei au i te mea ē, e tauturu tā mātou mau paraitete i te mau tamari’i ’e e fa’a’oa’oa ia rātou. ’Ua ’oa’oa ato’a rā vau !

Brooklyn D., 9 matahiti, nō Texas, Fenua Marite

Nāhea ’oe ’ia tāmata i te tauturu ia vetahi ’ē, mai tā Iesu i rave ? ’A pāpa’i ’e ’a fa’a’ite mai ia mātou.

Fa’ahōho’ara’a nā Tiziana Longo