Nō roto mai i te Peresidenira’a Mātāmua
’A vaiiho i te Atua ’ia upo’oti’a !
Nā te peresideni Russell M. Nelson
Fa’aauhia mai roto mai i te « ’A vaiiho i te Atua ’ia upo’oti’a ! », Liahona, Novema 2020, 92–95.
’Ua ’ite ānei ’outou e aha te aura’a ’ia vaiiho i te Atua ’ia upo’oti’a ? Te aura’a, ’oia ho’i, e vaiiho tātou iāna ’ia riro ’ei fa’aurura’a pūai hope i roto i tō tātou orara’a.
E hina’aro ānei ’outou e vaiiho i te Atua ’ia upo’oti’a i roto i tō ’outou orara’a ? E vaiiho ānei ’outou i tāna mau parau, tāna mau fa’auera’a, ’e tāna mau fafaura’a ’ia fa’auru i te ’ohipa tā ’outou e rave i te mahana tāta’itahi ? E vaiiho ānei ’outou i tōna reo ’ia riro ’ei mea faufa’a a’e i te tahi noa atu ?
’Ia vaiiho ana’e ’outou i te Atua ’ia upo’oti’a, e ha’api’i mai ’outou i te mau parau mau mure ’ore nō te arata’i i tō ’outou orara’a. ’Ia vaiiho ana’e ’outou i te Atua ’ia upo’oti’a, e rave rahi mau mā’itira’a tē riro mai ’ei mau mā’itira’a ha’iha’i a’e. E ’ite ’outou :
-
E aha te māta’ita’i ’e te tai’o
-
Nāhea ’ia fa’a’ohipa i tō ’outou taime
-
E aha tā ’outou e hina’aro e rave fa’aoti
-
E aha te huru ta’ata ’o tā ’outou e hina’aro ’ia riro mai
Tītauhia te fa’aro’o ’e te itoito nō te vaiiho i te Atua ’ia upo’oti’a. Mai te mea e vaiiho ’outou iāna ’ia upo’oti’a, e ’ite ïa ’outou ē, e « Atua nō te mau temeio » tō tātou Atua (Moromona 9:11).
E nāhea ’oe ?
E fa’a’ore ānei ’oe i te hapa ?
E ’ere te reira tā’u e hīna’aro ra.
E ta’ata ha’avare ’ore ānei ’oe ?
E rave ānei au te reira ?
E ta’ata maita’i ānei ’oe ?
E mā’iti ānei ’oe i te māta’ita’i i te hōho’a maita’i ?
Hope te ’ārearea ! Mai terā ïa rātou ’ia paraparau.
Fa’ahōho’ara’a nā Kiersten Eagan