Māta’ita’i i te video o te Buka a Moromona
’Aita i maoro a’enei, ’ua haere mātou e māta’ita’i i te hō’ē o te mau tahua tāvirira’a hōho’a nō te hō’ē video ’āpī nō te Buka a Moromona. ’Ua māta’ita’i mātou i te hōho’a i reira Iesu Mesia i te fārerei-hō’ē-hō’ē-ra’a i te mau tamari’i.
’Ua māta’ita’i mātou i te taime ’a fāfā ai te mau tamari’i i te rima o te ta’ata e mono ra ia Iesu. ’Ua paraparau ’oia ia rātou ma te hāmani maita’i ’e te marū, mai tā Iesu i nā reira.
’Ua parau mai te mau tamari’i ia mātou ē, nō te mau ’ohipa i ’itehia e rātou, ’ua pūai atu ā tō rātou ’itera’a pāpū nō te Buka a Moromona. ’Ua fā mai Iesu i te ’āti Nephi. ’Ua ha’amaita’i ’oia i te mau tamari’i. E ’ā’amu mau te reira.
E nehenehe ato’a ’outou e ’ite i te reira. ’A tuatāpapa i te Buka a Moromona. ’A māta’ita’i i te mau video nō ni’a i te Buka a Moromona. Mai te mea e nā reira ’outou, e ha’afātata atu ā ’outou ia Iesu. E mea herehia ’outou e āna. ’E e tauturu te Vārua Maita’i ia ’outou ’ia ’ite i te here ’e te hau o te Fa’aora.
Te ta’ata e mono ra ia Iesu, e ta’ata hāmani maita’i ïa ’e te mārū.
E mea au roa nā te peresidenira’a Paraimere ’ia fārerei i te mau tamari’i i ni’a i te tahua tāvirira’a video.
I roto i teie hōho’a, nā te mau niuniu e tāpe’a ra i te mau melahi i roto i te aore !
E rave rahi tamari’i tei ō i roto i te video.
Tē tauturu nei teie tamāhine i te ta’ata tāviri hōho’a ’ia maita’i noa.
Mai te huru ra ē, tē ora ra vau i te Buka a Moromona.
Emoani W., 11 matahiti
’Ua tauturu te reira iā’u ’ia ’ite ē, ’ua fārerei Iesu i teie mau ta’ata.
Isaac P., 7 matahiti
I te fāra’a mai Iesu ’e te mau melahi, ’ua fa’atupu te reira i te ’oa’oa i roto iā’u.
Lilly W., 8 matahiti
E nehenehe ’outou e fa’a’ite i te video i te mau ta’ata ato’a !
Andre W., 9 matahiti
E rahi atu ā tā ’outou e ’apo mai nō ni’a ia Iesu Mesia.
Christina C., 9 matahiti
’Ua fa’atupu te reira i te ui māere iā’u, mai te aha te huru ’ia fārerei atu ia Iesu.
Rhett M., 4 matahiti