Panahon sa Pagkanta og Dungan
“Panahon na sa Pagkanta!” Miingon si Sister Yang. “Sugdan nato sa ‘Mga Istorya sa Basahon ni Mormon.”
Tisar nga milingkod si Sarah. Andam na siya sa pagkanta! Usa kini sa paborito niyang mga kanta.
Dayon nakakita siya sa usa ka batang babaye nga nag-inusarang naglingkod. Wala pa si Sarah nakakita niya sukad diha sa Primary.
Ang unang nota gitukar diha sa piano. Misugod sa pagkanta si Sarah. “Istorya sa Basahon ni Mormon nag-ingon.”
Mitan-aw siya pag-usab sa row. Ang batang babaye wala nagkanta. Tingali wala siya kahibalo sa mga pulong.
Gusto ni Sarah nga mopaambit sa iyang paborito nga kanta ngadto sa batang babaye. Mibalhin si Sarah aron motupad og lingkod niya. Ang batang babaye mitan-aw niya ug mipahiyom.
Gihunghong ni Sara ang sunod nga mga pulong. Nagdungan sila sa pagpanganta. Sa wala madugay ang batang babaye nakakanta sa tanan nga mga pulong!
Karon ang panahon sa pagpanganta nahuman na. “Unsa imong ngalan?” Nangutana si Sarah.
“Ako si Alexa.” Mipahiyom ang batang babaye. “Salamat sa pagtabang nako! Mao kini ang una nakong higayon sa Primary.”
Mibawos sa pagpahiyom si Sarah. “Nalipay ko nga anaa ka dinhi!” Siya sigurado nga si Alexa nakakat-on og daghang maayong mga butang—ug daghang mga talagsaong mga kanta!
Mga paghulagway ni Cherie Zamazing