Gikan sa Unang Kapangulohan

Ngano nga Kita Moadto sa Simbahan

Ni Presidente Dallin H. Oaks

Unang Magtatambag sa Unang Kapangulohan

Gikuha gikan sa “Ang Panginahanglan alang sa usa ka Simbahan,” Liahona, Nob. 2021, 24–26.

Nakahunahuna ba kamo sukad kon nganong importante kaayo nga moadto sa simbahan? Ania ang unsay gitudlo ni Presidente Oaks.

Si Jesukristo mipahimutang sa Iyang Simbahan aron sa pagtabang kanato. Kon kita moadto sa simbahan, mahimo kita nga:

1. Molambo sa espirituhanong paagi ug mahimong mas maayo nga tawo.

2. Makakat-on sa ebanghelyo ug unsaon sa paghigugma, pagpasaylo, ug pagmapailubon.

3. Makadawat og mga panalangin sa pagkapari, sa bunyag, sa sakramento, ug sa templo.

4. Makakat-on sa pagpakigsabot sa uban ug makat-on gikan sa mga tawo nga dili sama kanato.

5. Makigtinabangay sa uban aron mapakaon ang gigutom, moamoma sa mga bakwit, ug moserbisyo sa mga tawo sa kalibotan.

6. Mobati og paglaom ug kahupayan nga moabot kon kita mosunod ni Jesukristo.

Magtambayayong sa Pagtabang

Mga paghulagway pinaagi ni Gareth Conway