Pagbisita sa Dapit nga Gihimoan sa Bidyo sa Basahon ni Mormon
Dili pa dugay, mibisita kami sa usa sa mga dapit diin gi-film ang usa ka bag-o nga bidyo sa Basahon ni Mormon. Nakakita kami sa eksena diin si Jesukristo mibisita sa mga bata sa tinagsa.
Mitan-aw kami samtang ang mga bata mihikap sa mga kamot sa aktor nga nagdala sa papel ni Jesus. Siya namulong kanila sa mabination, malumo nga paagi, sama lang sa buhaton ni Jesus.
Ang mga bata misulti kanamo nga tungod sa ilang kasinatian, ang ilang pagpamatuod sa Basahon ni Mormon nahimong mas lig-on. Si Jesus miadto gayod sa mga Nephite. Gipanalanginan gayod Niya ang mga bata. Ang istorya tinuod.
Kamo mahimong masayod usab niana. Tun-i ang Basahon ni Mormon. Tan-awa ang mga bidyo sa Basahon ni Mormon. Kon inyong buhaton, makapaduol kamo kang Jesus. Gimahal kamo Niya. Ug ang Espiritu Santo motabang kaninyo nga mobati sa gugma ug kalinaw sa Manluluwas.
Ang aktor nga nagdala ni Jesus mabination ug malumo.
Ganahan kaayo ang kapangulohan sa Primary nga nahimamat ang mga bata diha sa dapit nga gihimoan sa bidyo.
Niini nga eksena, ang mga anghel gipalupad diha sa hangin pinaagi sa mga pisi!
Daghang bata ang nakaapil sa bidyo.
Gitabangan niini nga batang babaye ang operator sa kamera nga dili mainitan.
Ingon og nagpakabuhi ako diha sa Basahon ni Mormon.
Emoani W., edad 11
Nakatabang kini kanako nga masayod nga si Jesus mibisita gayod niini nga katawhan.
Isaac P., edad 7
Sa dihang mipakita si Jesus ug ang mga anghel, nakapalipay kini kanako.
Lilly W., edad 8
Mapaambit ninyo ang bidyo sa tanan!
Castle W., edad 9
Makakat-on kamo og dugang mahitungod ni Jesukristo.
Christina C., edad 9
Nakapahunahuna kini kanako kon unsa kaha sama nga mahimamat si Jesus.
Rhett M., edad 4