Dali, Sunod Kanako nga mga Kalihokan
Alang sa home evening, pagtuon sa kasulatan, o kalingawan lamang!
Daniel ug ang Langob sa mga Leon
Alang sa Daniel 1–6
Istorya: Ang propeta nga si Daniel nag-ampo matag adlaw. Pipila ka nasuya nga mga tawo miilad sa hari aron maghimo og dili maayo nga balaod. Bisan kinsa ang mag-ampo sa Dios ilabay ngadto sa langob sa mga leon! Si Daniel nag-ampo lang gihapon. Siya gilabay ngadto sa langob sa mga leon, apan ang Dios mipadala og anghel aron sa pagpanalipod kaniya. (Tan-awa sa Daniel 6.)
Kanta: “Gusto Ko nga Mosunod sa Ebanghelyo” (Songbook sa mga Bata, 72)
Kalihokan: Guntinga ang mga finger puppet diha sa pahina 17 ug gamita kini aron sa pagsaysay sa istorya ni Daniel ug sa langob sa mga leon. Nganong maayo man nga mag-ampo?
Si Jesus Nabanhaw
Alang sa Oseas 1–6; 10–14; Joel
Istorya: Si Oseas usa ka propeta. Siya nagtudlo nga si Jesukristo mamatay ug mabanhaw. Kini nahimo aron kita mabuhi pag-usab. (Tan-awa sa Oseas 13:14.)
Kanta: “Nabuhi ba Gayod Pag-usab si Jesus?” (Songbook sa mga Bata, 45)
Kalihokan: Tungod kay si Jesukristo nabanhaw, kitang tanan mabuhi pag-usab sa umaabot nga adlaw. Pangita og mga litrato sa mga sakop sa pamilya nga namatay na. Pagpaambit og mga istorya kabahin nila.
Unsa Man ang Gisulti sa Propeta?
Istorya: Ang propeta nga si Amos nagtudlo, “Sa pagkatinuod ang Ginoong Dios dili magabuhat sa bisan unsa, gawas kon ang iyang tinago ipadayag niya sa iyang mga alagad ang mga propeta” (Amos 3:7). Kana nagpasabot nga si Jesukristo nagsulti sa Iyang mga propeta karon.
Kanta: “Salamat, O Dios sa Propeta” (Mga Himno, nu. 13)
Kalihokan: Basaha kon unsa ang gisulti sa propeta sa komperensiya diha sa pahina 2. Unsa ang iyang gisulti kanato? Pagdrowing og hulagway nga nagpakita sa mga butang nga iyang gitudlo.
Si Jonas ug ang Dako nga Isda
Istorya: Ang Ginoo mitawag ni Jonas aron sa pagtudlo sa katawhan sa Ninebe. Apan si Jonas nahadlok. Siya midagan palayo. Usa ka dako nga isda ang milamoy kaniya! Human sa tulo ka adlaw, giluwa siya sa isda. Naghinulsol si Jonas ug nagtudlo sa katawhan. (Tan-awa sa Jonas 1–4.)
Kanta: “Sunda ang Propeta” (Songbook sa mga Bata, 58–59, bersikulo 7)
Kalihokan: Adto sa gawas ug pangita og pipila ka dagkong bato, mga dahon, o mga stick. Gamita kini aron sa paghimo og hulagway kabahin ni Jonas ug sa dako nga isda!
Mga paghulagway pinaagi ni Katy Dockrill