Matinabangong mga Kamot sa tibuok Kalibotan

Himamata si Carmen gikan sa Lebanon

Himamata ang kabataan sa Primary nga nagtabang sa uban, sama sa gibuhat ni Jesus.

Tanan mahitungod ni Carmen

Edad: 8

Gikan sa: Syria apan karon nagpuyo na sa Lebanon

Mga Pinulongan: Arabic, English

Mga tumong ug pangandoy: 1) Mobisita sa templo. 2) Mahimong usa ka artist. 3) Moserbisyo og usa ka misyon.

Pamilya: Si Carmen adunay duha ka magulang nga babaye ug usa ka magulang nga lalaki.

Ang Matinabangong mga Kamot ni Carmen

Si Carmen ug ang iyang mama nagpuyo sa Lebanon, apan nagpuyo sila sa Syria kaniadto. Ang ilang mga silingan gikan usab sa Syria. Sa miaging Disyembre, si Carmen gusto nga mohimo og usa ka mabination nga butang alang kanila. Matag adlaw sa wala pa ang Pasko, si Carmen mopalit og usa ka gamay nga butang gikan sa tindahan. Gibutang niya kining tanan sa usa ka kahon. Human sa 25 ka adlaw, puno na ang kahon. Sa Adlaw sa Pasko, si Carmen midala sa kahon ngadto sa iyang mga silingan. Mapasalamaton kaayo sila! Miingon si Carmen nga ang iyang pagserbisyo nakatabang niya nga mahinumdom sa serbisyo nga gihatag ni Jesukristo. “Kon kita magpakita og gugma sa uban, ” miingon si Carmen, “mabati nato ang gugma sa Dios.”

Ang mga Paborito ni Carmen

Dapit: Ang baybayon

Istorya mahitungod ni Jesus: Sa dihang si Jesus milakaw sa tubig

Awit sa Primary: “Gihigugma Ako sa Langitnong Amahan” (Songbook sa mga Bata, 16–17)

Pagkaon: Noodles, mga ice-cream sundae

Kolor: Dili kaayo hayag nga ube

Subject sa eskwelahan: Science

Si Carmen misunod ni Jesus pinaagi sa pagtabang sa iyang mga silingan. Paklia ang pahina aron basahon ang usa ka istorya kon giunsa ni Jesus pagtudlo kanato sa paghigugma sa atong mga silingan.

Apil sa Pundok sa Matinabangon nga mga Kamot!

Kon kamo moserbisyo sa uban, sakop kamo sa Pundok sa Matinabangon nga mga Kamot! Kinsa ang inyong maserbisyohan?

Mga paghulagway pinaagi ni Svetla Radivoeva