Mubo nga mga Sulat sa Komperensiya

Ang Tanan Makaserbisyo

Si Presidente Oaks mipaambit sa istorya sa usa ka tawo nga ginganlan og Mr. Gabriel, kinsa mitabang og liboan ka bakwit nga mga bata. Siya mihimo og “tree schools,” diin ang mga bata magpundok alang sa mga leksiyon ilawom sa landong sa mga kahoy. Kon siya makakita og panginahanglan, siya motabang! Ang Dios midasig sa daghang tawo sama ni Mr. Gabriel sa pagbuhat og maayo.

Nagtudlo kini kanako:

Pagpaambit sa Basahon ni Mormon

Si Elder Rasband mihisgot kon giunsa sa usa ka propeta paghatag og kopya sa Basahon ni Mormon ngadto sa usa ka hari sa Ghana. Magkauban, si Presidente Nelson ug ang hari mibasa mahitungod ni Jesukristo diha sa 3 Nephi 11. Ang hari miingon nga ang libro mas bililhon pa kay sa mga dyamanti o mga rubi tungod kay kini nagtudlo kaniya og daghan mahitungod ni Jesus.

Nagtudlo kini kanako:

Ang Tubag Mao Si Jesus

Si Elder Olsen naghisgot mahitungod sa iyang pag-umangkong lalaki nga si Nash. Sila nagtrabaho sa dihang si Nash nakahunahuna og nindot nga ideya sa pagsulbad sa problema. Si Elder Olsen nangutana ni Nash kon giunsa niya nga nahimong maalamon kaayo. Si Nash mitubag, si “Jesus.” Si Jesukristo mao ang tubag sa tanan natong mga problema.

Nagtudlo kini kanako:

Antipara aron Makakita

Si Sister Browning miingon nga siya nagkinahanglan og antipara aron matabangan siya nga makakita. Matag buntag, ang unang butang nga iyang buhaton mao ang pagkuha sa iyang antipara. Siya naghisgot mahitungod kon sa unsa nga paagi nga siya nagkinahanglan ni Jesukristo matag adlaw sa samang paagi nga siya nagkinahanglan sa iyang antipara. Ang Manluluwas misaad sa pagtultol ug paggiya nato kon kita mohimo og panahon alang Kaniya.

Nagtudlo kini kanako: