Ol Aktiviti blong Kam Folem Mi
!Blong famli haos naet, skripja stadi, o blong gat wan gud taem!
!I No Gat Wan Samting We I No Posibol!
Stori: Elisabet mo Sakaraeas i wantem blong gat wan bebi, be Elisabet i olfala tumas. !Wan dei, wan enjel i talem long Sakaraeas se tufala bae i gat bebi boe! Boe blong tufala i Jon Baptaes. Elisabet mo Sakaraeas tufala i lanem se wetem God, i no gat wan samting we i no posibol. (Luk long Luk 1:11–14, 37.)
Singsing: “A Child’s Prayer” (Children’s Songbook,12–13)
Aktiviti: Traem mekem hemia “we i luk olsem i no posibol” blong mekem! Faswan, benem medel fingga blong yu i go daon. Afta putum han blong yu long tebol, foret blong han i fesem tebol. Nao, traem blong leftemap ring fingga blong yu. Nao, askem wan narawan blong leftemap blong yu. ?Olsem wanem nao Papa long Heven i bin helpem yu mekem samting we i luk olsem i no posibol blong mekem?
Wan Stori blong taem Kraes i bon
Stori: Jisas Kraes i bin bon long haos blong fidim ol animol long taon blong Betlehem. Ol man blong lukaot long ol sipsip, ol enjel, mo ol Waes Man oli kam blong luk Hem. Yu save rid abaot ol Waes Man long pej 46.
Singsing: “Jesus Once Was a Little Child” (Children’s Songbook, 55)
Aktiviti: Tekem taem blong talem wan stori abaot taem we wan famli memba i bon long hem. Yu save tokbaot wea ples oli bon long hem, taem we oli bon long hem, huia nao papa mo mama blong hem, o ol narafala samting yu save abaot taem oli bon i kam long wol ia.
Tru Laet Ia
Long Jon 1
Stori: Samtaem oli singaotem Jisas Kraes “tru Laet” (Jon 1:9). Ol skripja oli tijim se yumi mas obei ol komanmen blong Hem mo folem Hem. Nao bae yumi save gat “paoa blong kam ol pikinini boe [mo gel] blong God” (Jon 1:12).
Singsing: “Jesus Is My True Light” (pej 23)
Aktiviti: Droem wan pikja blong wan gol we yu gat. Mekem wan i haedem pikja blong yu samples long rum mo ofem ol laet. Nao, karem wan smol laet mo saenem raon long rum. ?Yu save fanem pikja blong yu naoia? Tokbaot olsem wanem Jisas Kraes i helpem yu blong mekem ol gol blong yu i hapen.
Kavenan Rod Ia
Stori: Jisas Kraes i go long Jon Baptaes blong kasem baptaes blong mekem se “fasin we God i wantem i kam tru” (Matiu 3:15). Jisas i bin baptaes blong soem wan eksampol blong stap obei long Papa long Heven. !Yumi save folem Jisas blong save baptaes!
Singsing: “Kam, Folem Mi” (Liahona, Epril 2010)
Aktiviti: Go long pej 9 blong lan abaot kavenan rod ia. Afta mekem aktiviti. !Long pej ia evri manis, bae yu lanem abaot wan blesing blong yu taem yu folem rod ia i go bak long Papa long Heven!
Pikja i kam long Katy Dockrill