Laet, Kamera, Seves!

I kam long Sandra Edwards

(I kamaot long wan tru stori)

Blong stap long hom, i no stopem olgeta blong stap givim seves.

“Lights, Camera, Service” is about two sisters who were sad they couldn’t go to church because of the COVID-19 pandemic – they decided to make videos in Spanish to help other kids. 1. A sad girl looking at the computer. 2. Two sisters talking and looking online for lesson ideas. 3. Two sisters taking turns recording themselves as they talk about stories in the Book of Mormon. 4. Spot of six primary kids on a computer zoom meeting and a text bubble coming up from one of the sisters talking about the stripling warriors story in the Book of Mormon.

Antonella mo Mariana i lavem blong stap go long jos evri wik. Be naoia oli nomo save go long jos from KOVID-19 wol sik. Tufala i gat praemeri klas onlaen, be i no bin semmak.

Antonella mo Mariana i misim blong stap go long praemeri. Wan yia i pas, famli blong tufala i muvaot long Jili i go long Kanada. Wol sik i mekem i had blong mekem niu fren. Oli misim ol taem we oli stap lanem abaot ol stori insaed long skripja wetem ol narafala pikinini. Mo oli misim blong stap gat lesen long Spanis olsem oli bin stap gat long Jili.

Wan dei afta we oli mekem jos long hom, Antonella mo Mariana i go onlaen blong lukaotem samting blong helpem tufala blong stadi Kam Folem Mi.

“Mi wantem tumas blong yumi faenem moa vidio long Spanis,” Antonella i talem. Hem i tingting blong wan smol taem. Mo afta hem i gat wan gudfala tingting. “Yumitu save mekem vidio blong yumitu blong Kam Folem Mi evri wik.”

“Yes, mo yumitu save mekem hem ia long Spanis!” Mariana i talem. “Afta yumitu save serem wetem ol nara pikinini tu.”

Mama mo Papa i talem se tufala i save help. !Ful famli i glad tumas!

Faswan famli i ridim ol skripja blong ol lesen blong wik. Ol gel oli planem wanem nao bae oli tokbaot. Afta oli stat blong mekem ol vidio. Antonella mo Mariana i tekem janis blong stap rekodem tufalawan taem tufala i stap tokabaot ol stori long Buk blong Momon. Long en blong wanwan vidio, wan long tufala i serem wan samting we tufala i lanem aot long lesen. Afta Mama mo Papa i helpem tufala blong mekem vidio blong oli postem onlaen.

Faswan, oltaem, oli no save wanem blong talem. Be blong stap ridim ol skripja mo stap lanem moa abaot ol lesen i helpem olgeta.

Wan Sandei, Antonella mo Mariana i sidaon long fored blong kompiuta blong gat praemeri klas blong tufala. Lesen blong wik ia i abaot ol yang man blong faet insaed long Buk blong Momon. “?From wanem nao ol yang man blong faet i go blong faet?” tija blong olgeta i askem.

Mariana i onem maekrofon blong tufala. “Mi save!” hem i talem. Hem mo Antonella i mekem wan vidio abaot stori ia las wik. “Ol papa blong olgeta i mekem promesem God se bae oli nomo faet mekem se ol pikinini boe blong olgeta oli go blong faet.”

Antonella i saksakemem hed blong agri. “Mo mama blong olgeta i tijim olgeta se spos oli gat fet, God bae i kipim olgeta i sef.” Hem i smael long Mariana. I wan gud taem blong stadi olgeta skripja tugeta.

Long naet, long taem blong kaekae, Mama i askem: “?Olsem wanem long Praemeri?”

“!Gud!” Antonella i talem. “Stap mekem vidio i helpem mi lanem moa abaot ol skripja.”

“Mi tu!” Mariana i talem. “Mi save ansa long plante kwestin long praemeri. Mo mifala i save gud ol stori long skripja.”

“Mi glad se ol vidio i helpem yutufala,” Papa i talem. “!Mi ting se oli helpem plante nara pipol tu!”

“Hemia i stret,” Mama i talem. “Stap serem wanem yu lanem mo olsem wanem yu filim abaot gospel i wan bigfala wei blong stap givim seves!”

Mariana i smael. “Mi laekem se yumi save givim seves long wei ia,” hem i talem. Afta hem i tanem i go long Antonella. “!Yumitu stat planem vidio blong nekis wik!”

Stori ia i hapen long Kanada.

Page from the January 2023 Friend Magazine. Lights, Camera, Service

Pikja droing i kam long Kristin Sorra