Stap Tingbaot wetem Bubuwoman

I Kam long Jane McBride

(I kamaot long wan tru stori)

?From wanem Mari i bin gat fasin blong save wet longtaem wetem bubuwoman?

Panel 1 of 3 1. Illustrated background with flowers. 2. Mari is sitting on a couch alone and looks back at her grandmother. She is sad or irritated. Her grandmother is walking away. 3. Mari and her grandmother are sitting on a couch together and are happy.

Mari i mekem fes blong hem i nogud. Bubuwoman i stap talem semmak stori. Bakegen.

Sam manis i pas, bubuwoman i kam blong stap wetem famli blong Mari. Mari i lavem hem tumas, be blong stap raon long bubuwoman blong sam taem bae man i save taet. Hem i talem semmak stori bakegen mo bakegen. Samtaem hem i stat bakegen bifo hem save talem flatem stori.

Mari i pulum win. “Bubuwoman,” hem i talem, “yu talem stori ia long mi finis.”

Bubuwoman i lukluk i go daon. “?Mi talem finis?”

“Yes,” Mari i talem. “Yu talem long mi jes sam minit i pas.”

“Mi no tingbaot,” Bubuwoman i talem. Hem i filim nogud mo tingting i fasfas. Afta hem i stanap mo gobak long rum blong hem.

Mari i filim sore from se hem i mekem bubuwoman i harem nogud. Taem we bubuman i ded, bubuwoman i kam blong stap gofetem samting bigwan. Taem hem i lego stof we i on, mo i statem wan faea long kitjen blong hem. Taem ia nao Mama mo Papa i tekem bubuwoman i kam blong stap wetem mifala.

Mari i faenem Papa long kitjen. “Mi lavem bubuwoman tumas, be mi taet blong harem ol semmak stori. ?From wanem hem i no save tingbaot se hem i talem stori ia long mi finis abaot fifti milien taem?”

Papa i smael. “Mi no ting se i kasem fifti milien taem. Be mi save se i had. Bubuwoman blong yu i gat sik long bren blong hem we i mekem hem i save fogetem ol samting. Ol stori blong hem oli ol wei blong hem blong stap tingbaot huia hem.”

Mari i benem hed blong hem i go daon. ?From wanem hem i no gat fasin blong save wet long taem wetem bubuwoman? Bubuwoman i oltaem mekem gud long hem wetem lav. Hem i singaotem hem “Mari blong mi.” Mari i stap tingting abaot taem hem i stap helpem bubuwoman blong planem ol flaoa mo klinim karen.

Mari i noknok long doa blong bubuwoman.

“Kam insaed,” Bubuwoman i talem.

Mari i openem doa. Bubuwoman i stap sidaon long jea wetem ol open skripja antap long tufala leg blong hem.

“?Bubuwoman, plis yu talem long mi olsem wanem yu mo bubuman i joenem Jos?” Mari i askem.

Bubuwoman i lukluk i go antap. “Yu yu wantem blong harem abaot bubuman mo mi?” Hem i askem wetem wan voes blong hop.

Mari i sidaon long saed blong bubuwoman. “Yes mi wantem. Mi wantem harem evri samting.” Mari i holem han blong bubuwoman blong hem. “Yu yu spesel tumas long mi, Bubuwoman. Oltaem bae yu yu spesel.”

Panel 3 of 3 1. Illustrated background with flowers. 2. Mari is sitting on a couch alone and looks back at her grandmother. She is sad or irritated. Her grandmother is walking away. 3. Mari and her grandmother are sitting on a couch together and are happy.

Bubuwoman i smael, sidaon bakegen long jea blong hem mo statem blong talem stori.

Mari i harem stori ia plante taem, be naoia, hem i no filim les o taet. Be, hem i filim lav mo sapraes. Hem i save Bubuwoman mo Bubuman i bin sakrifaes plante taem tufala i joenem Jos long Jemeni. Ol bubuman mo bubuwoman blong hem i muv i go longwe long hom blong tufala blong tufala i save stap kolosap long ol narafala memba blong Jos.

Bubuwoman i flatem stori mo i smael. “Yu yu wan gud gel, Mari blong mi.”

Mari i putum han raon long bubuwoman blong hem. “Tangkyu, Bubuwoman. Mi lavem yu.”

Page from the January 2023 Friend Magazine. Remembering with Grandma