Ol Pikinini mo Ol Yut

Faenem Ol Talen Blong Mi

I kam long Fruean P., we i gat 9 yia, blong Ilocos Norte, Filipin

Pikja

A picture of Fruean Perez.

Pikja

A young boy smiles as he looks up at a bird that is in a tree. He is holding a book about birds.

Taem mi bin stat blong putum ol gol blong ol program blong Ol Pikinini mo Ol Yut, mama blong mi mo mi, mitufala i tokbaot wanem ol niufala talen we mi wantem blong lanem. Mi bin wantem blong praktis blong singsing, danis, mo stap plei piano. Mi bin wantem tu blong lanem abaot ol animol, mo mi wantem blong lanem olsem wanem blong kuk. Mi wantem blong ridim Buk blong Momon tu.

Mama blong mi i bin tijim mi plante samting abaot ol wei blong developem ol talen blong mi. Fastaem, i bin had. Be afta, mi bin praktis mo praktis. Naoia mi save plei singsing ia “Mi Pikinini blong God,” “Do, Re, Mi,” mo “Meri i gat wan smol sipsip” long piano. Mi bin lanem olsem wanem blong kukum raes, bred mo sosis mo olsem wanem blong mekem kuki. Mi ridim sam buk abaot ol animol. Naoia mi save ol nem blong ol pijin, olsem smolsmol pijin, ol pijin blong Meksiko, mo ol smosmol pidjin we i gat longfala tel. Bifo mi kasem 9 yia blong mi, mi bin finisim blong ridim Buk blong Momon. I bin naes tumas blong save finisim blong ridim buk ia fulwan blong tu yia.

Mi hop se bae ol narafala oikinini long Praemeri bae oli lanem moa abaot Jisas Kraes mo ol talen we oli gat.

Pikja droing i kam long Kylah Garcia