Fren i go long Fren
Stap Helpem Wok blong Papa long Heven
I Kam long Susan H. Porter
Praemeri Jeneral Presiden
Long wan intaviu wetem Richard M. Romney.
?Yu yu save se oli bin invaetem yu blong helpem Papa we i stap long Heven wetem impoten wok blong Hem? Wok ia i blong helpem evri pikinini blong Hem i kambak mo laef wetem Hem (luk long Moses 1:39). Yu save help taem yu mekem olgeta fofala samting ia: laef folem, kea invaetem, mo yunaet.
Stap laef folem gospel blong Jisas Kraes. Yu stap laef folem gospel taem yu folem eksampol blong Jisas. Yu save prea, ridim ol skripja o ol skripja stori buk, fogivim ol narawan, mo go long jos.
Stap kea long olgeta we oli stap long nid. Yu save sidaon kolosap long wan man we i stap sore. O yu save ringim wan fren we hem i sik mo leftemap tingting blong hem.
Stap invaetem ol narafala man blong kasem gospel. Yu save invaetem ol fren i kam long jos o long wan Praemeri aktiviti. Yu save invaetem ol fren oli kam long baptaes blong yu.
wok wan wetem ol famli blong taem we i no save finis. Yu save toktok long ol bubuman mo bubuwoman blong lanem abaot laef blong olgeta. Yu save stap olsem wan man blong putum pis long hom blong yu. Yu save rere long yuwan blong go long tempol.
Mi promesem yu se bae yu filim glad taem yu stap traem blong laef folem, kea, invaetem, mo wok wan long hom, long skul, mo long Praemeri. !Papa long Heven i lavem yu! Mo yu save help wetem impoten wok ia blong Hem.
Ol pikja oli kam long Augusto Zambonato